Hîrê Kitabê Hîkayeyanê Tutan Vejîyay

Enstîtuya Kurdkî ya Dîyarbekirî bi nameyê “Qehremanîya Vîta Zingure”, “Biza Kole Asnawî kena” û “Luya Rîsîyaye û Ap Elî” bi kirmanckî (zazakî) hîrê kitabê tutan ke Mehmûd Nêşiteyî nuştê û resmê înan zî hetê resam Bariş Seyîdvanî ra virazîyayê, weşanay.

Her kitab de yew hîkaya esta û nameyê hîkaye ro kitabî ronîyayo. Hîkayeya “Qehremanîya Vîta Zingure” hûmara 30. û hîkaya “Biza Kole Asnawî kena” zî hûmara 32. yê kovara Vateyî de vejîyaybîy. Nê her di hîkayeyî hetê Malmîsanijî ra redakte bîyê. Hîkaya “Luya Rîsîyaye û Ap Elî” zî hetê J. Îhsan Esparî ra redakte bîya.

Mehmûd Nêşite, Qehremanîya Vîta Zingure, Weşanên Enstîtuya Kurdî ya Amedê, Dîyarbekir 2010, 16 rîpelî

Mehmûd Nêşite, Biza Kole Asnawî Kena, Weşanên Enstîtuya Kurdî ya Amedê, Dîyarbekir 2010, 12 rîpelî

Mehmûd Nêşite, Luya Rîsîyaye Û Ap Elî, Weşanên Enstîtuya Kurdî ya Amedê, Dîyarbekir 2010, 12 rîpelî