Alfabeya Kurdî

ALFABEYA KURDÎ

Alfabeya ma de nê 31 (hîris û yew) herfî estê:

A B C Ç D E Ê F G H I Î J K L M N O P Q R S Ş T U Û V W X Y Z

A b c ç d e ê f g h i î j k l m n o p q r s ş t u û v w x y z

Alfabeya kurdî 31 herf ê û alfabeyêka fonetîk a, her herfe teqrîben yew veng tesîl kena. Zaf asan a, kesê ke tirkî wendo, şêno mîyanê çend deqayan de alfabeya kurdkî bişinasno. Mesela, 23 herfê alfabeya kurdkî û yê alfabeya tirkî muşterek ê, eynî sey yewbînan ê. Mîyanê alfabeya kurdkî û ya tirkî de ferqêko muhîm o yo ke alfabeya kurdkî de herfê “Ğğ”, "İ", "ı", "Öö" û "Üü" çin ê! Kurdkî de herfa "i" gama ke gird nusîyena sey alfabeya îngilîzkî bênuqta sey "I" nusîyena. Vengê "ğeyn"î kurdkî de çin o. La çend çekuyê ke no veng tede esto, bi herfa "Xx" nusîyênê, mavajin, sey "xerîb"î. Çimeyê vengê "x" û vengê "ğ" yew o, tena ferqêko nuansî mîyanê nê her di vengan de esto. Heme ziwanan de, di yan çend vengê ke fonetîk de çimeyê înan yew o, la sey nuansî ferqê vengî mîyanê înan de esto, bi yew herfe temsîl benê. Wendox yan qiseykerdoxê ziwanî bi hawayêko tebîî nê vengan ferq kenê. Ma vajin gama ke ma vanê "kate, kalik" û gama ke ma vanî "kemere, kewe". Yan zî, vengê “h” ke “Hesen” û “halîn”î de esto.)