zazaki.net
24 Tebaxe 2017 Panşeme
Girdîya Karakteran : 12 Punto 14 Punto 16 Punto 18 Punto
01 Tebaxe 2009 Şeme 08:24

Zulkuf Kişanak

[Bîyografî]
Zazakî.NET

Zulkuf Kişanak 1967 de dewa Sêwregi Kerteş de ame dinya. Sêwregi de dest bi mektebî kerd. Sinifê dîyine de keyeyê înan bar kerd şî bi Tarsus. Uca lîse qedîna. Dima Unîversîteyê Marmara de qismê Rayberî û Şêwirmendîya Psîkolojî (PDR) wend. Sinifê çaharine de bi munasebetê xebata sîyasî fek wendiş ra verada. Serra 1990 de rojnameyê Yeni Ülke de dest bi rojnamegerîye kerd. Rojnameyanê Özgür Gündem, Özgür Ülke, Yeni Politika, Demokrasi, Ülkede Gündem, Özgür Bakış, 2000’de Yeni Gündem, Azadiya Welat û kovara Özgür Yaşam de xeftîyayo. Demeyêk di embazê xo ya pîya Dîyarbekir de kovara Medlife vete.

Zulkuf Kişanak tirkî, kirmanckî û kurmanckî nuseno. Kitabê eyê ewilîn ziwanê tirkîya bi nameyê Yitik Köyler 2004 de hetê Belge Yayınları ra çap bi. Zulkuf Kişanak bi sedemê ke nê kitabî de şexsîyetê dewlete rê heqaret kerdo hetê mehkemaya eslîye yê huqûqî yê Îstanbulî ra qanunê numre 301 ra ame mahkemekerdiş û 5 mengî cezayê hepsî ro ey birîya. La dima qanun vurya û na ceza ra reya. Zulkufî nê kitabî ra xelata Ayşe Nur Zarakolu yê heqê merdiman girewte. Verê cû zî bi şîîra xo Delala Çimrengîne rê Qesîdeyî serra 2004 de musabeqeyê 12. yê şîîran yê Huseyîn Çelebî de xelata yewine girewte.

Eserê eyê ke weşanîyay nê yê:

1) Zülküf Kışanak, Yitik Köyler, Belge Yayınları, Îstanbul, 2004, 200 rîpel

2) Zulkuf Kışanak, Delala Çimrengîne rê Qesîdeyî, Weşanxaneyê Vateyî, Îstanbul, 2007, 96 rîpelî

578

Zulkuf Kişanak

Resmê qapaxê kitabanê Zulkuf Kişanakî:

577

 Zülküf Kışanak, Yitik Köyler, Belge Yayınları, Îstanbul, 2004, 200 rîpelî

27-delala-cimrengîne.jpg

Zulkuf Kişanak, Delala Çimrengîne rê Qesîdeyî, Weşanxaneyê Vateyî, Îstanbul, 2007,  96 rîpelî

Na xebere 9756 rey wanîyaya
No nuşte hema şîrove nêbîyo.