zazaki.net
11 Gulane 2021 Sêşeme
Girdîya Karakteran : 12 Punto 14 Punto 16 Punto 18 Punto
02 Gulane 2021 Yewşeme 09:55

Youtubere

Evdî Hesqera

“Merheba embazên. Şima bi xêr ameyê kanalê miiiii... Seba vîdeoyanê neweyan keremê xwu ra bibê endamê kanalê mi û vîdeoyanê mi biecibnê. Iiiimm… Ez do ewro heywananê ma bidî şinasnayiş. Ina pisînga ma ya. Nameyê aye Atlantîs a. Pisî pisî… Eke biwelidno, ez do leyîranê ci biroşî, xwu rê Ipad bigîrî. Pisî pisîîî… Herhal hewnê ci yeno…”

(Şina odeyêka bîne, kamera xalîyan nîşan dana)

“Na zî zerenca ma ya. Pîyê mi ci ra zaf hes keno. Di tenî bî la a bîne biye nêweş. Ma serebirna û… Aaa! Atlantîs yena! Pisî pisîî… Bê rindeka mi, bê vareka mi…”

(Pisînge yena kamera ver la vengê bînî, teq û req zî yeno…)

-Tirşike ra mûye vecîya! Ieeyykk! Dayê ez nêwenaa!

-Rêxe biwere!

-Pere bide ez do şira tantunî bigêrî!

-Gî biwere! Qicê ke nîmeyê to nêkenê, çopan ra kartonan danê arê, pê keye kenê weye!

(Keyneke bi layêk pisînge dir kay kena…)

-Bê Atlantîsa miiii… Hela bitepiş, rindeka maya xwu…

(Vengê bînî yenê)

-Nika to vat Sofî se kerd?

-Meaş erşawit banka, heqê mesaîya zêde zî kerd zerf û da mi. Vat “Wa sîgorta dir sereyê ma nêkewo bela. Teşqeleyê înan nêqedyeno.”

-Êy o zano. Qet nêbo mêrdekî pereyê to nêwerdî.

-E, zey patronanê şarî nîyo, heq nêweno.

-Her îne, her qendîl resman erzeno Whatsappê xwu ser. Maşella ci rê…

(Keynek nika zî bi destêk telefon gêna, bi desto bîn pisînge piro kena. Vengî yenê…)

-Remzîye! Ha Remzîyee! Remê! Hela veyve ra vace lacek bermeno! Nê Baranê mi, nê zerrîyê pîrika xwu… Leylê! Keyna kutikî hela bê! Ti şiya kamcîn cehnem!

-Telefonê mi kotî der o!

(Keynek pisînge bi panîk ca verdena…)

“Embazên şima heywanê ma dîyî. Xwu vîr ra mekerê, bibê endamê kanalê mi û vîdeoyanê mi biecibnê. Baayyyy…”

Na xebere 167 rey wanîyaya
No nuşte hema şîrove nêbîyo.