zazaki.net
19 Adare 2024 Sêşeme
Girdîya Karakteran : 12 Punto 14 Punto 16 Punto 18 Punto
28 Tebaxe 2019 Çarşeme 09:21

Yew Şiîra Xal Sebrî

Xal Sebrî

Xal Sebrî 1925 de dewa Palî Necaran de ameyo dinya 2008 de eynî dewe de şiyo rehmet. Serra 1968 ra dest pê kerdo, bi kirdkî û kurmancî şiîrî nuştê. Şiîrê xwu zî heme defter de nuştê qeyd kerdê. Înşalah ma do kitabê şiîranê Xal Sebrî biweşanin. Nika tenya ma yew şiîra ci weşanenê, ena şiîre semedê deyire zî bena beste. Înşalah muzîsyenê ma ena şiîra Xal Sebrî bikerê deyire.

 

Tew lajeko lajê datî

Mi rê biyar say Xelatî

Ti goş meni qalê şarî

Bê ma şorî dûr welatî

 

Tew lajeko lajê datî

Dewar kiş ki rîy kelatî

Ti goş meni qalê şarî

Bê ma şorî Warê Satî

 

Tew lajeko lajê ‘emmi

Dewar kiş ki rîydê lemi

Ti goş meni qalê şarî

Bê ma şorî Warê Hemi

 

Tew lajeko lajê xalî

Dewar kiş ki rîydê salî

Ti goş meni qalê şarî

Bê ma şorî Kelay Palî

Tablo: Emel Gülçin Ülker

Na xebere 2424 rey wanîyaya
No nuşte hema şîrove nêbîyo.