zazaki.net
25 Teşrîne 2017 Şeme
Girdîya Karakteran : 12 Punto 14 Punto 16 Punto 18 Punto
08 Oktobre 2009 Panşeme 15:44

Xezaloke

[Şîîre]
Serdar Roşan

XEZALOKE

 

 

asmên deqdeqin o emşo

estareyî taviste yê emşo

 

ez serê banî de rakewta

min çilayê dûrî hûmaritî

min heme hûmaritî

û ez hewn ra şîya

çi hewnêko weş

çi hewnêko weş

estareyî asmên de geş ê

 

ez bîbîya vêşane

min dayê ra werd waşt

dadî va, xezaloka min

şîrin û delaloka min

şo bîyare bizêkanê ma

beno hadre werdê ma

 

verara min de yew vereke

sipî, sey pemeyî nermeke

 

ti xezala min a

ti weşika min a

ti rindika min a

 

ez bîya têşane

ez bîya vêşane

dayê nan pewto

ez do şirî

ez do nan biwerî

ez to rê zî bîyarî?

 

xezala min

berxika min

çimsîyaya min

 

oy dayê dayê

to va,

ez nan pewcena dayê

dayê ez vêşan a

dayê ez têşan a

zereyê min veşeno dayê

wî dayê, wî dayêêêê…

 

 

Swêd, 04.10.2009
Na xebere 2075 rey wanîyaya
ŞÎROVEYÎ
xezal
serbaz
Heqê Xezala ma ê zaliman rê nêmaneno inşallah...
11 Oktobre 2009 Yewşeme 13:31
céri nuste di ferhengok
M.Mamosta Gimgimi
Ez bo şiire weşık to piroz kerde, mı şiire to yé ser o Selaheddin zi verre verkan Kurmanci zi keyepeli Nefel ra wendeno zaf weş a, ma Zazaki newe newe museno ,bo inan céri nuste yé xo di ferhengokeka qıc herde kerdiş ma wazeno .Rast nuştiş di xeleti esta mi ef kerde ,gureyene şıma di serkewti wazeno..
09 Oktobre 2009 Îne 20:50
şiire to zaf weşo
Xorte Erzurum
bra to ki no şiir nusta kerda. deste to kon phaç. weş u war be. zaf rındek biyo. şiire tuye newi wazenme.
09 Oktobre 2009 Îne 03:56