zazaki.net
20 Oktobre 2017 Îne
Girdîya Karakteran : 12 Punto 14 Punto 16 Punto 18 Punto
25 Hezîrane 2010 Îne 14:04

Werdo Girênaye û Bêrîya Birayî

[Mesela]
Uzcan Yilmaz

Rojê merdimê (mordemê) û lajê xo şonê keyeyê de benê mêman (meyman). Wayîra keyeyî înan rê werd amade (hazir) kena. Sifre ana nana ro ke nan biwerê. Merdim û lajê xo kî verva yewbînan (jubînî) benê. Dest pêkenê ke êdî (endî) nan biwerê, merdim nîyadano ke lajê ey fekê xo gureto (qapat kerdo) xo ser o nîyadano, bîyo kufe-kufa ey. Vano:

- Nêro se bî, xo rê sey (je) camêrdan (cuamêrdu) nanê xo biwere, çi bîyo kufe-kufa to, xêr o xo ser o kêranan (çêranu) hûmarenî (morena), se kena?”

Lajek vano:

- Bawo teba (tiwa) çîn o. Birayê mi ame ra mi vîrî coka.

Bira kî (zî) xeylî serran ra avêr merdo. Êdî merdim teba nêvano. Koçika xo keno pirr, keno fekê xo ke biewro, pepo çiturî biwero, kila adirî ya. Fekê ey ke veşeno aqile xo şono fênda lajê xo ser. Êdî bi (eve) kufe-kufe qilotneno ra, weno. Gêreno (cêreno) ra lajê xo ser vano:

- Ero lajê çinayê sîyayî, to ça na saete de birayê xo ard ra mi vîrî? Înşallah (îsala) ke Xizir to kî raya ey (dî) ra beno, sima resneno yewbînan (jubînî), miradê to kî miradê mi kî keno.

Na xebere 1899 rey wanîyaya
No nuşte hema şîrove nêbîyo.