zazaki.net
20 Tebaxe 2017 Yewşeme
Girdîya Karakteran : 12 Punto 14 Punto 16 Punto 18 Punto
13 Hezîrane 2010 Yewşeme 11:52

Werdê Kurdîstanê Başûrî

[Fiqra]
Uzcan Yilmaz

Serra 2003 de dêmdayîşê rejîmê Sedam Huseynî ra dima Kurdîstanê Başûrî semedê (seveta) zafê kardaran (bi tirkî: işadamları) bî se (je) Eldorado (Ceneto sexte). Êdî (endî) destebera kamî ra ke ame xo rê şî Kurdîstanê Başûrî ke bazirganî bikero, îhale bigîro (bijero) û dewlemend bibo.

Sey pêro welatanê Rojhelatê Mîyanênî Kurdîstan de zî (kî) zaf goşt yeno werdene. Restorananê Kurdîstanî de roje de hîrê rey menuyê gostî vejîno. Merdim (însan) şikîno ara, perojîye û şamî de enwayî çeşîd kebab, serçele ûêb. biwero.

Rojê nê kardaranê ma ra yew (ju) şono ke restoranê de xo rê pîzeyê xo mird bikero. Veng dano garsonî, vano:

- Werd çi esto?

Garson dest pêkeno menuyê kebabî ra da-des tewirî hûmareno (moreno). Merdim (mordemek) kî êdî honde ke werdişê goştî ra bêzar bîyo, garsonî ra vano:

- Teba (tiwa) çîyode vejeteryen esto?

Kurdîstan kî o wext sey (je) ewroyî nêbîyo, hotelî, restoranî ûêb. sey halê xoyê verênî benê. Goşt ra teber qet teba çîyê nêbeno. Garsonê ma kî xêrqewil tenê xêx beno, aqilê xo era vatena merdimî ser nêşono, goşanê xo verdano ra vindeno. Kardar reyna ke ey ra pers keno, nîyadano ke feqîr fehm nêkeno, vano:

- Çîyode bêgoşt çin o, bêgoşt?! Mi rê çîyode bêgoşt bîya.

Garson tene teredudî ra dima vano:

-Çi, çiturî yanî?! Çîyo bêgoşt, este esto. To rê este bîyarî?

Na xebere 2341 rey wanîyaya
No nuşte hema şîrove nêbîyo.