zazaki.net
19 Teşrîne 2017 Yewşeme
Girdîya Karakteran : 12 Punto 14 Punto 16 Punto 18 Punto
31 Gulane 2017 Çarşeme 15:02

WELAT RA DÛRÎ

Havîn Acar

Keserê zerrîya mi

pirênê reftarîya şewdiran dirneno

to ra dûrî ey welat.

Dûyêko zengarin şîn girêdano

koyanê xow ra şîyayan ser o.

Porê sosin û beybûnan zerdê payizî

êdî nefesê xwu ra dûr û matmende

sîneyê to yê birîndarî ser o.

Vayê verşanê xopanî

dergûşa nalînêka tenike hejneno.

Asmên de estareyî bêveng

bi heme dewlemendîya xwu

sey pelê dare destê vayî de.

Gangêrê dej û janan

her ke şino hênîyê zerrîya mi keno zuwa.

Şabiyayişêko nenas boyêka bêwexte

verpalê koyanê to de

zincîra evîne girêbido seke

zendê to beno kemberê mîyaneyê mi.

Hêvî û omid alişka rojî ser o

bi kefeno sîya ameyo piştiş.

Wesar bêreng, bêtehm; zayiş û merg

kewenê têpey û eşkera kenê

çinbiyayişê rojî û roşnî welatê mi de.

________

Kurmancî ra tadayiş: Roşan Lezgîn

Na xebere 921 rey wanîyaya
No nuşte hema şîrove nêbîyo.