zazaki.net
21 Teşrîne 2017 Sêşeme
Girdîya Karakteran : 12 Punto 14 Punto 16 Punto 18 Punto
20 Adare 2015 Îne 09:39

WARZE OMBAZ

Îdrîs YAZAR

Çerx gêrena çerxa Dehaqî

Sarê xo hewan verba neheqî

Wa zordarîye nêba baqî

Hewnê xeflet ra warze ombaz

 

Dormarê to de ronayey damî

Fekê xo pîser meni sey bumî

Sarê xo mekere binê qumî

Hewnê xeflet ra warze ombaz

 

Ziwanê to kerdo sey ziwanê koter

Na nêzanî yê xo ra roter

Kaşikê xo ra sarê veje teber

Hewnê xeflet ra warze ombaz

 

Şelagê hemalê xo ra rone war

Xo ra pey biewnî bikere ar

Wa tarîx to nênûse koledar

Hewnê xeflet ra warze ombaz

 

Adirê azadîye û hêvî weker

Zewadeyê xo, nan û pîyanz deker

Sifreyê minetî ra tehm meker

Hewnê xeflet ra warze ombaz

 

Çi jehrê yin bîy, ma de cerebnay

Welatê ma de hewnê ma remnay

Warze, nesla xo rê pane yew çilay

Hewnê xeflet ra warze ombaz

 

To rayero çewt tepîşto

Yin bawk û birayê to kîşto

Tarîxê to hezeyê xo nûşto

Hewnê xeflet ra warze ombaz

 

Neslê xo rê torzên mebi

Wextê cehaletê hîn debi!

Destê kesî de maşe mebi

Hewnê xeflet ra warze ombaz*

___________

*Na şîîre "Newepel, Rojnameyo Kulturî yo 15 roje, Dîyarbekir, 16-30 Êlule 2012, r. 1" de weşanîyaya.

Na xebere 5355 rey wanîyaya
No nuşte hema şîrove nêbîyo.