zazaki.net
23 Teşrîne 2017 Panşeme
Girdîya Karakteran : 12 Punto 14 Punto 16 Punto 18 Punto
27 Hezîrane 2012 Çarşeme 11:13

Şîlane

Îdrîs Yazar

Dayîk û bawkê to ûnîyên fendî

Bêntarê ma di viraştî bendî

Kula mina çikûleyîne kendî

Ez bêhal û neçar verdayo

 

Cîfê mi nêyeno yew-yew seklem

Derdê mi nêyeno kaxit û qelem

To ez hewnê şewan di kerdo Mem

Yew hetê mi zindan di helesîyayo

 

Awirê to bîyo sey yew laserî

Çi derd esto kerdo mi serî

Ez terseno ki tadiro qanserî

Leşê mi ser di giranê bestîyayê

 

Muyê sipî dekewtî mi gijik

Qariş mebe zerrîya mi bîya tenik

Şîyayîşê to ez kerdo perperik

Emrê mi yew roji di qedîyayo*

______

* Na şîîre “Newepel, Rojnameyo kulturî yo 15 roje, Hûmare 27, Dîyarbekir, 16-30 nîsane 2012, r. 1” de weşanîyaya.

 

Na xebere 1592 rey wanîyaya
No nuşte hema şîrove nêbîyo.