zazaki.net
23 Oktobre 2017 Dişeme
Girdîya Karakteran : 12 Punto 14 Punto 16 Punto 18 Punto
02 Tebaxe 2009 Yewşeme 10:17

Seyîdxan Kurij

[Bîyografî]
Zazakî.NET

Seyîdxan Kurij 1960 de dewa Çewlîgî Kur de ameyo dinya. Mektebo verên dewa xo Kur de wend, mektebo mîyanên û lîse zî Xarpêt de wendî. Beyntarê serranê 1980 û 1984 de ey Bursa de Fakulteya makîna de muhendîsî wende. Yew serre qezaya Dîyarbekirî Şankuş de awbendê Karakaya de sey muhendîsê makîna xebitîya. Cuwa pey şi Almanya. Almanya de, 1992 de muhendîsîya makîna beşê îmalatî sey muhendîsê berzî qedîna. 1991 ra nat Almanya de almankî û kurdkî (kurmanckî û kirdkî) bernameyanê radyoyî virazeno. Pa bernameyanê radyo ya ey dest bi nustişî zî kerd. Heta nika ey folklorê kirdkî ra sanikî, meseleyî, fiqrayî, fablî û vateyê verênan arê kerdî û tayê nuşteyî Peter Lerchî û Ahmet Sayî tadayî kirdkî. Hewna, bi tirkî almankî û kurdkî (kurmanckî û kirdkî) roportajan virazeno û meqaleyan zî nuseno. Nuşteyê ey rojnameyanê sey Azadî, Dengê Azadî, Ronahî, Hêvî, Jîyana Nû, Roja Teze, Roj, Welat, Özgür Gündem û kovaranê sey Armanc, Çira, Nûdem, Medya Güneşî, Bîr, Vate û xelîyek keyepelanê Înternetî de vêcîyayî. O nêzdî di serrî rojnameyî Peyama Kurd de endamê redeaksîyonî û mesulê beşê kirkdî bi.

Seyîdxan Kurij serra 1997 ra nat pa 15-20 embazan a bi kirdkî kovara kulturî Vate vecenî.

Hetanî nika nê kitabê ey weşanîyayê:

1) Seyîdxan Kurij, Wayê Hot Birayûn: Sanikan û Deyîranê Çewlîgî ra, Weşanên Arya, Îstanbul, Nîsane 2002, 128 r.

2) Seyidxan Kurij, Filît û Gulîzar, Weqfa Kurdî ya Kulturî Stockholmê, Stockholm, 2004, 28 r.

3) Seyîdxan Kurij (Arêkerdox), Arwûnçî û Lûy, Enstîtuya Kelepûrê Kurdî Şaxê Duhokî, Duhok 2010, 223 rîpelî

4) Seyîdxan Kurij, Grev, Weşanxaneyê Roşna, Dîyarbekir 2013, 80 rîpelî

5) Deyirê Çwlîgî, Arêkerdox, Seyîdxan Kurij, Nas Ajans, Îstanbul 2014, 207 rîpelî

618

Seyîdxan Kurij

Resmê qapaxê kitabanê Seyîdxan Kurijî:

waye.jpg

Seyîdxan Kurij, Wayê Hot Birayûn: Sanikan û Deyîranê Çewlîgî ra, Weşanên Arya, Îstanbul, Nîsane 2002, 128 r.

filit.jpg

Seyidxan Kurij, Filît û Gulîzar, Weqfa Kurdî ya Kulturî Stockholmê, Stockholm, 2004, 28 r.

Seyîdxan Kurij (Arêkerdox), Arwûnçî û Lûy, Enstîtuya Kelepûrê Kurdî Şaxê Duhokî, Duhok 2010, 223 rîpelî

Seyîdxan Kurij, Grev, Weşanxaneyê Roşna, Dîyarbekir 2013, 80 rîpelî

Deyirê Çwlîgî, Arêkerdox: Seyîdxan Kurij, Nas Ajans, Îstanbul 2014, 207 rîpelî

Na xebere 6994 rey wanîyaya
No nuşte hema şîrove nêbîyo.