Şero Weş û Şero Giran

Seke zanîno miletê kirmancî govende ra zaf heskeno û her firsend de veyve, nîşan, sunet… de keweno govende.

Serranê hezar û new sey û newayan ra dima Kurdistanê Bakûrî de bi (eve) serhildanan, numayîşan nê firsendî bî zîyadêr (tenena jêde).

Rojê yew şaristanê de semedê (seveta) Newroze numayîşê beno. Merdimê ke bi xo govende ra zaf heskeno vengê hesneno. Vejîno teber ke çi vejîyo! Dawil, zurna, tilîlî… Hayleme hurhurit… Her kes sloganan erjeno govende ancêno. No kî çing dano keweno govende. Xeylê ke coş beno dest pêkeno zirçeno, sloganan erjeno, govende anceno. Nîyadano ke lajê ey ha yo balkone ra tey nîyadano. Gêreno (cêreno) ra lacê xo ser îşaretê serkewtene (zafer) keno, sloganan erjeno, zirçeno vano:

- Kuro were, kuro were, şer xweş e! (*)

Laj kî yeno êdî (endî) laj û pî pîya kewenê govende. Tenê ke benê dûr esker, polîs û tîmî kewene virendîya înan. Mileto ke govende anceno, sloganan erjeno, bîyo har. Tenêna ke bene nêjdî, esker girrîye nano ro înan ser. Vengê tifingan ke vejîno, milet pisqîno têra, her kes hetê ra remeno.

No qehremanê ma kî veng dano ra laje xo vano:

- Kuro bireve, kuro bireve, şer giran e! (**)

_____________

(*) Biko bêre, biko bêre, şer weş o!

(**) Biko bireme, biko bireme, şer girano!