zazaki.net
21 Tebaxe 2017 Dişeme
Girdîya Karakteran : 12 Punto 14 Punto 16 Punto 18 Punto
26 Tebaxe 2011 Îne 10:16

Sanikê Nêrgîze

Îsmaîl Guven

Goreyî mîtolojîyê yunanan dinya de gelek Homayî estbî. Nê Homayî bîyayeyanî tebîetî ra, kontrolî ganî û merdeyan ra û kerdinanî înan ra berpirsyar bî. Goreyî bawerîyê yunanan, nê Homayî belgî merdiman de bî û merdiman de kewtêne têkîlî zî.

Ma do tîya de behsî hîkayeyê mitolojêke yê Narkîssosî bike. Narkîssos saydarêko zaf rindek o. Rojêk, wexto kuweno peskuvîyan dima rastî Ekho yeno. Ekho perîkênayêka zaf rindek a. Her kes bejn û bala ci rê helîyeno. Labelê Ekho cewabî kesî nêdana. Kes xemî aye de nîyo. Û na perîkênaya ciwane, senî ke Narkîssosî vînena, aşiqê ey bena. Labelê Narkîssos nêewnîyeno Ekho ra û verî perîkêna ra keweno dûrî. Na rewşe dejêko zaf giran defîneno zerîyê Ekho. Roj ra roj helîyena. Û bi nê qehrî xo mirena.

Homayî koyî Olîmposî de yenî pêser. Mergî perîkênaye dej dano înan. Biryar kenî ke ceza bidî Narkîssosî. Rojan ra rojêk, Narkîssos sey her wextî şino sayd. Beno teyşan, kişta royêkî de areseno. Xo keno çewt ke awe biwero; tam o wext awe de xo vîneno. Rîyî ey û wicudî ey o rindek aseno ey ra. Aşiqî xo beno, bi saetan o hal de maneno. Hende xo ra kes keno ke nêeşkeno cayî xo ra biwarzo we. Nan û awe xo vîr ra keno, teyna ewnîyeno xo ra. Û ew zî sey Ekho roj ra roj eşq ra helîyeno. Weyra de, kişta royî de mireno. Wicudî ey beno herre. Cayê wicudî ey de vilêka rindeke, nêrgîze qam dana, bena pîle.

Na xebere 1720 rey wanîyaya
ŞÎROVEYÎ
hênîyij
elî
Çimî şima roşn bibî! Kird zî bî wayirê rojnameyê Posta yê tirkan
02 Êlule 2011 Îne 16:05
cewabe seba in çi yo
İsmail Guven
Ez nêwazena sey roşanî dergûdila binusî. Çimkî ez vînena ke merdimî ma nusteyo dergûdilayî ra tewê famnêkerdo. Ez tena ney vana: Mi ra na yena û mi kerda, cayo ke ti tede kêmanîye vînenî pirr bike û wa şarî ma to ra zî îstîfade bikero. Mi sanikê nêrgîze nusta, ti zî sanikanê ma binuse. Yeqîn bike ke ew dem ma p3e kêweş benê û to tebrîk kenê. Bimsane weşîye de eceb.
31 Tebaxe 2011 Çarşeme 19:24
..
ehmed
:) :) :) ez hem persê wendoxî rê hem zî cewabê edîtorî rê zaf huyaya willayî. wendox zî tam kirdê ma yo:)

ez kirdîtîya viraştî nêzana la ina munaqeşe xas kirdîtî ya:)

La ez naye vajî, bi nê resmî roje û desmaj nêşikîno!
La no nêno a mana ke ma do hertim tena resmê biz û bizêkan biweşanîn.
Qey baw û kalê ma hertim camîyan de zikr nêkerdo, cezbe nêkewtê!...
28 Tebaxe 2011 Yewşeme 15:02