zazaki.net
23 Êlule 2019 Dişeme
Girdîya Karakteran : 12 Punto 14 Punto 16 Punto 18 Punto
26 Sibate 2019 Sêşeme 10:15

RECIMKERDIŞÊ ŞEYTANÎ

Enwer Andan


Hewşê yew tîmarxaneyî de gêjî sef gênê û nimaj kenê. Eno halê înan weşê doktoran şino, xwu rê temaşayê înan kenê. La midûrê tîmarxanayî semedo ke bi înan tinazê xwu bikero, gêjan beno baxçeyê tîmarxaneyî. Vano “Ez xwu rê bi înan binêy keyf bikerî.”

Midûr gêjan ra vano "Ez şima kena hecî." Gêjî vanê “Ma senî benê hecî?" Midûr vano "Şima dorê ena bîna şinê û yenê, tawaf kenê. Peynî de şima benê hecî!"

Gêjî bi eno vateyê midûrî zaf benê şa. Ca de dest bi tawaf kenê. Midûr zî vano qey çiyêko zaf baş kerdo, bi qurretî ageyreno meqamê xwu. Vendeno dergevanê xwu vano  “Mi rê çay biyari!"

Dergevan çay ano, masa ser o roneno. Midûr lingê xwu erzeno linge ser û çayê xwu bi afiyêt şimeno.

Demêk vêreno, bena xuşexuşê comê şewakê ci. Hin vîneno ke kerrayî sey torge yenê zerre.

Sereyê midûrî zaf cayan de şikîyeno, mîyanê gonî û gonîşîr de maneno.

Wirzeno pay bi gizm ra qîreno vano “Lîya şima se kenê?” Gêjî vanê “Wilay tawaf qedîya. Nika ma hê Şeytanî ricim kenê.”


Na xebere 675 rey wanîyaya
No nuşte hema şîrove nêbîyo.