zazaki.net
17 Tebaxe 2017 Panşeme
Girdîya Karakteran : 12 Punto 14 Punto 16 Punto 18 Punto
14 Nîsane 2010 Çarşeme 08:36

PAWITENE

[Şîîre]
Mehmed Elî Sadiq

Zerrîya mi veşena zerrîya mi

Sek kila adirî kewta ganê mi

Bîya lete-lete qesebaya mi

Erê, to ez caverdaya şîya ça?

 

De vace dîlberê ti ser a şîya

Pawena nêpawena qey ti nîna

Heta key no cîyabîyayîşê ma

Erê, to ez caverdaya şîya ça?

 

De hên bê, mi dir nêmend sebir

Mîlçikanê wesarî ra bê tedir

Werêkna ti biameyne bi mi dir

Erê, to ez caverdaya şîya ça?

 

Ti sey nameyê xo yew melek a

Zerrîya mi de yew gul û vilik a

‘Umir qedya pawebê to vinderta

Erê, to ez caverdaya şîya ça?

Na xebere 1815 rey wanîyaya
ŞÎROVEYÎ
Paliyîj
Enwer
Şiiré to zaf weşa.Ez tirkî şiir niseno,nora pé zazakîz nisen
07 Gulane 2010 Îne 10:55
Şiiro weş
Bewran Awan
Dest û zerriya to weşbo. To keyfê mî ard.
sılam u hurmet.
14 Nîsane 2010 Çarşeme 15:49