zazaki.net
19 Adare 2024 Sêşeme
Girdîya Karakteran : 12 Punto 14 Punto 16 Punto 18 Punto
04 Tebaxe 2009 Sêşeme 09:18

Mela Mehemedê Hezanî

[Bîyografî]
Zazakî.NET

Mela Mehemedê Hezanî serra 1938 de nehîyeya Licê Hezan de maya xo ra bi. Babîyê ey Mela Ebdulxefûr melayê Hezanî bi. Ey verê babîyê xo de dest bi wendişê erebkî kerd. Dima gama ke serra 1949 de Hezan de reya verêne wendege virazîya, ey zî eynî serre dest bi wendişê tirkî kerd. Badê ke panc serrê wendegehê verênî temam kerdî, na rey teberê Hezanî de dest bi wendişê medresa kerd. Ewilî Dîyarbekir de medreseya camîyê Hezretî Umerî de verê Mela Evdisemedî de wend. Dima Licê de Mela Evdilayî het wend. Badê pey zî medreseyê dewanê sey Balicne, Metranî û Kemberlî de wendişê xo dewam kerd. Qederêk zî Bismil û Mêrdîn de wend. Peynî de dewa Dîyarbekirî Baroxlî de wendişê xo temam kerd û serra 1969 de ey dewa xo Hezan de dest bi melayîya resmî kerde. Wezîfeyê xo yê melayîye sere ra hetanî ke serra 1992 de teqawut bi, ey seranser dewa xo Hezan de kerde.

Mela Mehemedê Hezanî serra 1969 de dest bi nuştişê şîîranê kurdkî kerd. Ey reya verêne kitabê xo Mecnûn û Leyla bi lehçeya kurmanckî nuşt. Kitabê ey Eqîdetul Îmanî, verî bi lehçeya kurmanckî serra 1980 de nuşt, dima bi lehçeya kirdkî (zazakî) serra 1981 de nuşt û ey bi xo nê her hîrê kitabê xo metbea de çap kerdî. Ey nê kitabê xo bi alfabeya erebkî nuştê.

Eserê eyê ke metbea de çap bîyê nê yê:

1) Mecnûn û Leyla (kurmanckî), Dîyarbekir, 1979, 54 r.

2) Eqîdetul Îmanî (kurmanckî), Dîyarbekir, 1980, 27 r.

3) Eqîdetul Îmanî (kirdkî), Dîyarbekir, 1981, 30 r.

Mela Mehemed2.jpg

Mela Mehemedê Hezanî

 

Resmê qapaxê kitabanê Mela Mehemedê Hezanî:

452 

Mecnûn û Leyla (kurmanckî), Dîyarbekir, 1979, 54 r.

453

Eqîdetul Îmanî (kurmanckî), Dîyarbekir, 1980, 27 r.

Eqîdetul Îmanî.jpg

Eqîdetulîmanî1.jpg

Eqîdetul Îmanî (kirdkî), Dîyarbekir, 1981, 30 r.

Na xebere 10378 rey wanîyaya
No nuşte hema şîrove nêbîyo.