zazaki.net
23 Tebaxe 2017 Çarşeme
Girdîya Karakteran : 12 Punto 14 Punto 16 Punto 18 Punto
23 Temmuze 2013 Sêşeme 16:36

Luw û Şûnetî!

Umer Farûq ERSOZ

 

Her yew heywûn gûm eştinên rizq xwu dim

Yew yew îr bîn wer, ey bîn ra xwu ninim

     Kerg nequr dên erd ru, lulîk vaş dima b’

     Wêr yin paştê yin ser ra, teqdîr îna b’

Ma va la, luw zî wêr yi vaş nî goşt bi

Heq îna kerdbi, qedêr yê în nuştbi

     Luw bîbî veyşûn, geyrenên pîzo veng

     Pîze hin qul bîn, veyşûnî ver dab’ reng

Doqê yê şînên, ginên piro nat-wet

Gurîyê pîzî ver luw xwu dên her het

     Şî hêt dew, veyşûnî ver nişken bileq

     De ma vîn, luwê ma senîn mend maleq

Dewicûn ya baş zûnên, şî hêt yê ra

Luw nişkê berzu, muy yê mend telî ra

     Va, xêr Heq a in mi îtya d’ nikişî

     Veyşûnê ver nişken berz mi bikişî

Dew va, byi ma r’ bikir şûnetî waye

Byi, şûnê ma henîk ê ardginaye

     Vêr koxûn ma d’ çew çin o bipaw kergûn

     Niters xwu zêder bipawo, yin ver gûn

Luw ûwna yin ra, ne yarî ne taway

Dewic qê şûnetî henî vêr yê d’ pay

     Kelgîrî bî bermê, pey ey çimûn a

     Hunc înan nikerd ya, çi bêîmûn a

Va, dewa delal, şima çiqas baş î

Ez çi rey şima di nikena qelaşî

     Dewic ehmeqê xwu d’, luw kerd şûnê kuex

     Îna kot lewûn a dewûn, Dewa Puex

Yin ki şî, luw nişt rû, ya xwu niûmeb

Ya mezg ra hinzar heb luwî zî ûmeb

     Xwu bi xwu va, çimûn xwu r’ înûn niken

     Ez şûnê kergûn bî, de vecên se ken!

Kot mîyûn kergûn, qarrî-warrî hîn

Kox di pîyor kêrg luw çim ra piryê, vîn

     Tek tek xeneqnê kêrg, ya tek niverda

     Qir kergûn ardibi, heme hey ard a

Luw şûnê kergûn bu, se beno hal yin

Cêra beno poste, hul dîyên pal’ yin

     Se Dewê Puexî, luw mekir şûne

     Pey vîyê tu ra nusyen, hinzar bar gune

Na xebere 1470 rey wanîyaya
ŞÎROVEYÎ
pîroz bo
delal mamo
Birayo delal Umer, Homa kêmasîyê to biqedîno û demoke nezdî de ti bêrî ma miyan. Ma hevîyê azadîyê to yê. Qelemê to çirrê wişk nêbo. Sihet weş, emir derg to rê wzaeno birayo delal. Homa barê zerrê to ya zîz mukafat bido to. Bi hesret û hêvî...
25 Temmuze 2013 Panşeme 16:30