zazaki.net
23 Oktobre 2017 Dişeme
Girdîya Karakteran : 12 Punto 14 Punto 16 Punto 18 Punto
09 Nîsane 2010 Îne 08:22

Kirdkîya Licê û Kirdkîya Pîranî

[Fiqra]
Roşan Lezgîn

Gama ke Ap Husê Keyê Hesan nêweş beno û xestexaneyê Nimûneyî yê Dîyarbekirî de rakewte beno, eynî oda de nêweşêk şarê Pîranî zî rakewte beno.

Ap Hus û pîranijê ma xo rê benê destbirakê yewbînan, benê dostî. Yarîyan kenê, henekî kenê. Seke zaf verî ra embazê yewbînan bê, winî suhbeto weş kenê…

Pîranijî dadîye ra vanê “maye”. Coka camêrdo pîranij gama ke qalê dadîya xo keno, vano, “Maya mi bardinî, ha maya kardinî, ha maya mi wardinî…”

Ap Hus verî fekê ey ra zêde fehm nêkeno. La dima hêdî-hêdî museno, banderê fekê Pîranî beno.

Ap Hus perseno vano:

- Hero şima çî ra vanê “maye”?

Pîranijê ma vano:

- Şima vonî “dadîye”, ma vonî “maye”. Şima vonî “babî” ma vonî “pî”.

Ap Hus vano:

- Nuççç! Şima şaş vanê!

Camêrd vano:

- Qeyî Dat Hus?

Ap Husê ma vano:

- Heyran, madem ke şima dadîye ra vanê “maye”, a game babî ra zî mevajêne “pî”!

Camêrd perseno vano:

- Dat Hus, eyla ma vajî se?

Ap Husê ma vano:

- Vajêne “Nerî!” Mesela, vaje “Nerîyê mi bardo, kardo, wardo!…”

________

Not:  Kirdkîya Licê de çekuya “maye” manaya tirkî “dişi” de, “nerî” zî manaya tirkî “erkek/eril” de ya.

Na xebere 1968 rey wanîyaya
ŞÎROVEYÎ
dara hênî
bawer
zaf weş bî..
10 Nîsane 2010 Şeme 11:23
çewligij
mihemed ali
:))) ina fikra bi tek çeku ez vaji super a.
09 Nîsane 2010 Îne 14:59
Pir a Hedroy
Cuma Özusan
Ma het wujana di nezdiyé roy di jew dew esta, namé ci HEDRO yo.Girdi vané ki wextén wuja di jew pir est biya. Na pir wexto ki dew miyan di geyrena tim qeçeki kewné ci dim u si erzeni. Rojén fina pir geyrena ewnena qeçeki cayén di kaykeni. Şina inan het labelé qeçeki né ewnené pir. Pir tayén pawena fina zi kes né ewneno ci. Pir damiş nébena u vana: qeçkéno ciq! Qeçeki ney sero kewné ci dim u si erzené. Pir remena. Coka jew merdimo ki rehat névindeno u wuryeno ma ciré vanim PİR A HEDROY!
09 Nîsane 2010 Îne 11:56