zazaki.net
19 Adare 2024 Sêşeme
Girdîya Karakteran : 12 Punto 14 Punto 16 Punto 18 Punto
02 Nîsane 2020 Panşeme 19:40

KARÎKATUR

Evdî Hesqera

-Zey vatişê mi bike. Ez wazena ti hîkaye û resimê ke hişê mi de yê, bêqisûr bikerê karîkatur.

Nika di aîleyî estê, piya yew ban virazenê. La pîlê yew aîle, gama înşat qedêyeno, şino tapûyê ci dano xwu ser. Dima zî aîleya bîne keye ra keno teber.

-Bol derg nêbî?

-Yaw zey hîkaye-karîkatur o. Tayê derg o, la ti do çend resman pêsero virazê, derdê mi vacê.

-Ê, temam.

-Laco, ez do pere bidî to, meraq meke… Keno teber, keyber zî gêno. Payiz yeno, yaxer vareno. Dima zimistan dest pê keno, vewre varena...

-Wa payiz çinê bo, bol derg beno. Ma vanê vewre û varan varenê...

-Çiman ser, westa ti yê. Vewre varena, qicê aîle teber de mendê, perîşan biyê. Yew bi yew mirenê. Maya înan bermena.

-Heywax!

-Laco gird îdare nêkeno, şino kêber şikneno, akeno.

-Ooxx!

-Maya tûtan vana qicê mi şo bikewe zere, xwu germ bike, şima mirenê.

-Raşt vana.

-La pîyê înan nêverdano! Vano nîmeyê banî heqê min o.

-Heqê ci yo.

-La, vano heta ez tapûyê nîmeyê banî nêgêrî xwu ser, keyê mi ra kes do nêkewo zere.

-Ê, qicî mirenê!

-Mirenê la o vano tûtê mi bimirê zî ez qebûl nêkena. Her çî ra ver tapûyê mi!

-Yaw hele ca verde, ino bol derg o. Bê ez to rê karîkaturo komîk virazî.

-Senî?

-Yew mêrdeko Rihayij her serê sibayî hewn ra wurzeno, hema cixare şimeno.

-Êêê?

-Cînîya ci zî ci rê vana winî meke, do pizeyê to qul bo.

-Raşt vana.

-O zî qebûl keno. Roca bîne wurzeno şino mitbaxe, îsotêko tûnd erzeno fekê xwu û dima cixara şimeno. Hîna weş nîyo?

Na xebere 1618 rey wanîyaya
No nuşte hema şîrove nêbîyo.