zazaki.net
25 Teşrîne 2017 Şeme
Girdîya Karakteran : 12 Punto 14 Punto 16 Punto 18 Punto
24 Tebaxe 2009 Dişeme 11:36

Hêrsê Ap Husî

[Fiqra]
Roşan Lezgîn

Hêrsê Ap Husî

 

Ap Husê Keyê Hesan gama ke teber ra cayê hêrs bibîyêne, ameyne keye, cinîya xo Naca Ase de dayne pêro. Naca Ase, biney goşê aye giranî bîy.

Rocêk hewna Ap Husî Naca Ase de pêroda. Naca Ase va:

- Hero ti mi ra çi wazenî, ti dawayê çî kenî? Dê hela biewnî cîranê ma Ap Deqmanî ra. To dîyo rojêk veng ey ra vejyayo?

Ap Husî hertim Ap Deqman xo rê hember zanayne. Gama ke fekê cinîya xo ra holîye ser nameyê ey eşnawit, yewrey har bi. Bi hêrs va:

- Ti mi begem nêkena, şo xo rê bibe cinîya Deqî!

Na xebere 1656 rey wanîyaya
ŞÎROVEYÎ
Naca Ase
Eyüp ERMAN
Naca Ase, gosê xo kerr ê, vana qey Ap Deqman hêrs nêbeno...
25 Tebaxe 2009 Sêşeme 13:04
Şirove
Serdar
Na xeberı qet şirove nébiya seni beşi "zaf şirove biyé" de tew cor de ca géna.

Notê Edîtorî:

Serdar,
Biewnî, senî ti yew qusûro qijkekê teknîkî vînenî, ti ca de hesab persenî!
Ricaya mi to ra, verî ke ti ma ra hesab bipersî, alfabe rast bigurene.
Ti herinda herfa î de i nusenî, herinda herfa i de ı nusenî û herinda herfa ê de é nusenî. Çira? Ti xo de nêvînenî ke ctrl + 3 bikî, şewqe ^ bigîrê hema gişta xo bidî i yan e ser ke wa sey î yan ê binusîyo? Qey to rê zaf zehmet o?

Ez ha to ra vana. Ti reyna bi nê herfan binusî, şîroveyê to nêweşanîyeno.
Çîyo ke ti vanî, yanî qet şîrove nêbîyo la sere de ca gêno, mi ra nîyo, sîstem ra eleqedar o, teknîkî yo.Ti zî zanî ke ma hema newe no keyepel awan kerdo. Qusûrê xo estê. Eke sewbîna qusûrê mi yan yê keyepelî kewtî verê çimê to, texsîr meke, vaje. Ez do xebere bida viraştoxanê keyepelî, do hel bikê înşalla. Qusûranê xo zî ez do rast bika helbet.
Feqet ti meselaya herfan rast gurenayîşî meke xo vîrî ra! Qusûranê xo zî bivîne.
Ma pîya xo rast bikin...
Selamî...

24 Tebaxe 2009 Dişeme 17:49