zazaki.net
23 Êlule 2019 Dişeme
Girdîya Karakteran : 12 Punto 14 Punto 16 Punto 18 Punto
30 Adare 2019 Şeme 13:26

Hered

Pişar Xançûkij

Kek Enwerî mi rê behs kerd. Va, emrê nace û û datî nizdîyê heştay bi. La yew demo derg bi ke yewbînan dir xeberî nêdayne, heredan bî. Rojêk mi va ez şêrî înan werê biyarî.

Verî ez şiya nace het, mi va "Nacê, dat Hecî dir pê biye. Siba merg esto, verg esto! Şima şinê hizûrê Homayî, xwu rê yewbînî helal bikerê. Hende wext herediyayiş çiyêko hol nîyo. Çira şima wina kenê, hinî bes nîyo?” 

Nace va "Wilay zî bîlay zî, ez ê dir nîna werê. Ez ê helal zî nîkena!”

Nace wina va û da piro şî.

Mi hêvîya xwu nace ra birna. Ena hewe mi verê xwu da hetê dat Hecî ser. Ez şiya mi va "Dat Hecî, ti merdimêko zanaye yê, qe nêbo ti wina meker. Ena pîre hendêk xizmetê to kerdo. Şima rojê tengî, rojê hîrayî piya vîyarnayê. Eno axirê emrê xwu de wina mekerê, pê biyerê.”

Dat Hecî va "Biewnî mi ra, birarza! Ez yew qale vana, hinî ti mi ra fek veradanê.” Û dewam kerd va "Zingiltopî Çeteldere ra herb waşto. Nacê to zî remena ha remena! Xeta mi ra nîya."

Senî ke wina va, çimê mi maleqa mendî, fekê mi wina akerde, ez ewnîyaya dat Hecî ra.

Na xebere 431 rey wanîyaya
No nuşte hema şîrove nêbîyo.