Hecê Ap Husî

Hecê Ap Husî

Ap Husê Keyê Hesan şibi hec. Ê wextan hecacî bi otobusan şîyne. Şîyayîş û ameyîş di aşmî dewam kerdêne.

Axir Ap Hus şi û ame. Êdî bibi hecî, ganî her kesî ey ra bivatêne “Hecî”. Gama ke Ap Hus Hîcaz ra agêra ame, şinasî û merdimê ey heme şîy vernîya ey. Elo birayê ey senî resa bi Ap Husî, kerd xo vîrî ra ke vajo “Hecî”, hewna sey verî va:

- Huso ti xêr amey.

 Ap Hus sûr bi, kewe bi. Va:

- Hero Elo! Ti vanî qey ez şîya mi hêgayê dereyê Luyan de çend rojî cite kerda û ez ameya?!