zazaki.net
18 Tebaxe 2017 Îne
Girdîya Karakteran : 12 Punto 14 Punto 16 Punto 18 Punto
22 Tebaxe 2009 Şeme 13:25

Haya to mi çinî ya

[Şîîre]
Xerîbzeman

XERÎBZEMAN

 

HAYA TO MI ÇINÎ YA


Ez aşiqê to yo
Haya to mi çinî ya
Serê kuçeyê şima de ez pîr bîyo
Binê varanî de ez pûç bîyo
Şewî vîyarenî
Rojî vîyarenî
Çimê mi ha to de yî
Ez kor bîyo
Haya to mi çinî ya

Susey (2).jpg


Dinya û alem bi eşqê mi hesîya
Dar û birr, kerra û kuç mi rê bermayî
Meydarî, mi meyxanan ra fetelnayî
Gedeyî, kewtî mi dima, pê mi huyayî
Cenîyî vatvatoxî, leqmatîkî mi ra nayî
Ez nan û awe ra biryayo
Bîyo sey mumê qendîlî
Ti çend qetrehm a
La qey?
Haya to mi çinî ya

Susey (1).jpg


Teyran ziwanê mi werdo
Ez nêeşkeno xo eşkera biko
Çimanê to de germinîya rojî esta
La ez nêeşkeno biewnîyo înan ra
Porê to, vayî de kay keno
Zerrîya mi, mi wena
Destê mi kilm î, ez denêreseno
Ena tenganî mi rê barêko giran a
Milê mi kewto
Ez quliz bîyo
Haya to mi çinî ya

 

 

 

Na xebere 1819 rey wanîyaya
ŞÎROVEYÎ
"mi" raşt o.
Serdar
Kek Mehemed,
Şîroveyê xo de seke vajo , "ez" şuxulnayîş hîna rast bo. Labelê demê viyarte de "mi" vatiş rast o û 'Meydarî, mi meyxanan ra fetelnayî' de mana zi çewt fam nêbena. Hawayo ke cumleyanê bînan de zî (cumleyê cêr û corinan de zî) "mi" nusîyayo. cumleyê bînan de qest çî yo, na cumle de zî eynî qest esto. gede- gedeyî, meydar- meydarî.
24 Tebaxe 2009 Dişeme 15:57
Mi û Ez
Mehemed
Meqsedê to nînan ra kamcîn o? Mîyan de ferq zaf o!
1)Meydarî, mi meyxanan ra fetelnayî = Meydarî meyxane de bî, mi ê uca ra fetelnayî, vetî.
2)Meydaran ez meyxanan ra fetelnaya= Ez meyxane de bîya, meydaran ez uca ra fetelnaya, veta.
23 Tebaxe 2009 Yewşeme 04:50