zazaki.net
22 Oktobre 2017 Yewşeme
Girdîya Karakteran : 12 Punto 14 Punto 16 Punto 18 Punto
17 Teşrîne 2009 Sêşeme 16:53

Halo Yeman

[Şîîre]
Xerîbzeman

 

Serxoşîye, name ha ser o, weş a

Ciwîyayîna haya, ma rê ne weş a

Şerab çîyo xirab nîyo, tewbe heş a

Pirrî hîkmet û heqîqet a, ena şûşa

*

Şerab sûr o, sey gunî

Zerrî veşneno sey adirî

Kam ke vaco şerab heram o

Erzîyêno mîyanê adirê cehnemî

*

Meydar, ez ameyo, şerab deke bardax

Şewe derg a, zereyê mi de esto kul û dax

Zindewarî ma rê giran a, tim û tim çin o lax

Eke ez merdo, wa postê mi çewî rê nêbo debax

*

Dilbera porzerîne, mi war de verda, wax û ax

Derdê cîyabîyayîşî, cîgera mi de eştî zaf şax

De bê mey meşime ha! O daruyê derdan û ax

Bê hemdemî, dinya veng a, req a, wax û wax

*

Ya Homayê şewan û rocan û erdan û asmînan

No bendeyê to yo, mend o bê şerbet û bê nan

Rehma to bes a, ez nêwazeno cennetê horîyan

Dilbera xo ya porzerîne wazeno, êdî bes o, halo yeman

 

Na xebere 2100 rey wanîyaya
ŞÎROVEYÎ
Tey haydarî
xerîbzeman
Kudame b. Maz’un el-Cumahî Qureyşîyan ra yo, muslumananê tewr verînan ra yo, verê cu hîcret kerdo hebeşîstan dima ra şîyo Medîna, cengê Bedir dahîl kewto heme cengan, Waya Hz.Omerî Safîye de zewecnayeyo, demê Hz.Omer de walîye mintiqeyê Bahreyn o, Yanî; eshabeyê pêxemberê ma yo, eshabeyo ke muhîmo, la o vano ke “Şerab sey zîna mutleq heram nîyo.Teyînan rê heramo û teyînan rê zî serbest o. Noyo îctîhadê o eshabe yo.Na mesela mîyanê kîtabê es-Saîdî; el-Kadaya’l-Kubra Fî’l-Îslam de veyrena.

Kinaro bîn ra ma biewnî sureya maîde ayeta 93 nin vana se “ êyî ke bawer kenî û holîye ser o xebat kenî û xo guneyan ra pawenî û bade cû reyna bawerîye xo ser o vindenî û holîye ser o xebat kenî; werd û şimitiş yîn de guneh yîn rê çîn o(cunâhun fîmâ ta’îmû).Her kamî holîye bikî Homa înan ra hes ken o.”

O îbareyo ke na ayete de veyreno “ Cunahun fîma ta’îmû” bi goreyê raştnuştişê Erebkî atifê ayeteyê 90 yin o, û bi demo hîra (genîş zaman) ameyo nuştiş.Qala verînan ney la qala heme zaman ken o, …Îta ra zî fehm beno ke şerab bi tey şert û şurtan muttaqîyan rê serbest o.

Yewna kinar ra zî xeynê sunnîyan qismîk mezheban de şerab helal o. Tarîhê muslumanan de reyna qismîk aliman vato “ şerab hela o”.

Bi selam û dua
www.zazakivate.blogspot.com
21 Teşrîne 2009 Şeme 15:48
Wa bo wa bo
Berxwedan
Wa şerab heram bo yan mebo, her kes goreyê fikr û bawerîya xo bi xo qerar bido. Ez vana şaîro rast her dem bişo bê tesîrî zerrîya xo ra her çîyan ser o binuso ke sînorê hûnerê xo wa tena sînorê zerrî û fehmê xo bê. Aye ra ez wazena nê şaîrî rê sipas bikerî ke bi îstîdadê xo parçeyekê hûnerêkê rindekî pêşkêşê ma kerdo.
21 Teşrîne 2009 Şeme 15:10
Manaya goreyê zerra xo
Serdar
Vanî bektaşî ra persayî; ti çirê nimaj nêkenî, vato: Homay Qurano Mubîn de vano nezdîyê nimajî mebîn. Tera vato qey ti dewamê ayete nêwanenî, vato: Mi rê hende lazim a....
Şaîr zî vano; "Alimî, wextû ke tefsîr virazenî xo serê tey çîyan ra erzenî." Yew alim erzeno, çar alimî erzenî, diwês alimî erzenî, çewres alimî erzenî..... hezar û panc sey serrî yo erzenî. Nika ma Zekerîya Beyaz ra zî perskerî o zî go vajo şerabe heram a.
21 Teşrîne 2009 Şeme 09:40