Halêk Perîşanatey

HALÊK PERÎŞANATEY

Mi de esto halêk perîşanatey
Goş biyo kerr perey nêkenî vatey
Ferq nêkeno ha lezey ha vindertey
Vayêk ame, ne nermî mend ne sertey.

Ez ge qayme şono û ge acêrî
Hêş sere de nêmend, çik nîno vîrî
Erd biyo teng, sek dekewto yew bîrî
No derd sêne qûl kerd sey tîrî.

Qeseba veşay ax û naley veng a
Tehmê çikî çin o, zerrî eyrû teng a
Aya ke derdê serî ancena ling a
Ino çi hal o, qey meydanê ceng a?

Ino ame ma sere ke qeder o
Qeder dûrbîyayîşê kedero
Bêumîdey emelan ra heder o
Ma ra bêîlacêr esto ki beter o

Bes o, meki qîrrî, de hinî vindi
Dunya de hem pîsey esta hem rindi
Reyna zî şukur nîmetan ra undi
Dor a, yew şono yew yeno herundi

05.10.2007

Bîlal Nêribij

* Vate, humara 30, r.62