zazaki.net
20 Oktobre 2017 Îne
Girdîya Karakteran : 12 Punto 14 Punto 16 Punto 18 Punto
17 Sibate 2010 Çarşeme 14:14

Gonî

[Fiqra]
Roşan Lezgîn

Ap Husê Keyê Hesan nêweş kewtbi. Lajan û birayan xo kerd yew, Ap Hus girewt berd bi Dîyarbekir.

Xestexane de doktoran va, gonî lazim a.

Nat gêrayî, wet gêrayî. Axir ewnîyay ke tena gonîya Elîyê birayê Ap Husî bena. Lajan xebere daye Ap Husî va:

- Bawo, gonîya ma kesî to rê nêbena. Tena gonîya Dat Elî to rê bena.

Ap Husî senî ke eşnawit, sey hophopikî serê qaryolaya xestexaneyî de çindik da. Seke ti sole bierzê mîyanê adirî, bî şîq-şîqa Ap Husî, va:

- Ez bimrî zî, gonîya Elî nêdekena mîyanê gonîya xo. El ne zano heram çî yo ne zano helal çî yo! Gonîya Elî bikewo mîyanê gonîya mi, gonîya mi herimêna. Ez bêîman şina huzûrê Homayî...

Na xebere 1937 rey wanîyaya
No nuşte hema şîrove nêbîyo.