zazaki.net
13 Kanûne 2017 Çarşeme
Girdîya Karakteran : 12 Punto 14 Punto 16 Punto 18 Punto
13 Adare 2015 Îne 09:39

“GÖLGESİDİR KULAK, DİLİN...”

Weysel HANYILDIZ

Şîîra mi bî,

bi nameyê tirkî

zerreyê ci mi ra bî.

Çimsûrîna xo de çolî nimnayne

lepanê xo de merîyê hesran

qet nêdayne xo ra çîyêk vayê zûrkeran.

Gazincê morceleyan erdî bin ra eşnawitêne.

 

Şîîra mi bî, gan de mi ra lete

la sername bêtahm!

Marda xo ra destur waştêne

senî ke şit ra birîya yewer

dîmlaş kerdêne rîyê xo yo bermikên.

Mintiqaya bêwexte de kayî kay kerdêne

û goşî geyrayêne bi dest

û fekî, teyşanê şitî...

Telî û kerrayî sey mîrasê bawkalan bî

û xeylî maçê darûberan.

Zanayne çi ey keno şîîra mîlçikan.

...*

___________

*Na şîîre "Newepel, Rojnameyo Kulturî yo 15 roje, Dîyarbekir, 01-15 Êlule 2012, 1" de weşanîyaya.

Na xebere 4433 rey wanîyaya
ŞÎROVEYÎ
Şirove
Cemil Koç
Na zî şîîr a? şima xo bi xo do heta ça bixapnê?
18 Adare 2015 Çarşeme 15:28