zazaki.net
23 Teşrîne 2017 Panşeme
Girdîya Karakteran : 12 Punto 14 Punto 16 Punto 18 Punto
31 Tebaxe 2017 Panşeme 09:49

Feqîtîya Ap Husî

Roşan Lezgîn

Ap Husê Keyê Hesan xortanîya xwu de demeyêk şino dewanê Deşta Silîva de feqîtî keno.

Rojêk o û çend hevalê xwu yê feqî dorê Silîva ra geyrenê. Aşma tebaxî ya, engure êdî resaya. Verê rezanê Mîrcana ro vîyarenê. Çimê înan gineno weşeyanê engure ro, awe înan fek ra şina. Natorê rezan ra engure wazenê, la mêrik nêdano. Bi peretî wazenê, ancî nêdano.

Yenê resenê Gomeyê Dedaşî. Vanê ma senî biwazin? Sey edetê feqîyan ena rey bi şîîrkî engure wazenê. Vanê:

"Rezê Mîrcana dihatin li kaş

Tirî digirtin her wekî laş

Ne didin bi heq ne didin belaş

Îmdad ji te ey Goma Dedaş!"

Winî bi şîîre û bi hawar û îmdad şarê Gomeyê Dedaşî ra engure wazenê. Ê zî êdî mecbûr manenê, engure danê Ap Husî û feqîyanê hevalê ey.

Na xebere 269 rey wanîyaya
No nuşte hema şîrove nêbîyo.