zazaki.net
19 Adare 2024 Sêşeme
Girdîya Karakteran : 12 Punto 14 Punto 16 Punto 18 Punto
11 Hezîrane 2021 Îne 08:40

Ez zî bena nuştox

Evdî Hesqera

-Hela bê odaya mi.

-Çiman ser lordê mi.

(...)

-Iiiiêêê... Ê, vizêr to kitab vetbi, o çend sayfeyî bi?

-Şeştî û panc bi herhal. Çewres şiîrî…

-Hih! Ma o zî kitab o! Ez zî do bibî nuştox. Kitaba mi zî do hîrê sey rîpelî bo!

-To teslîmê matbea kerd?

-Nê, nika ez nusena... Yanî, êêê… Nêqediyayo...

-Ê… Ti senî zanê ke hende rîpelî yo?

-Ma winî qerar da. Ez kitabê şiîran zana, nîmeyê sayfeyê ci veng ê. Ê mi, do winî nêbo, sayfeyî do pirrî bê!

-Nameyê ci çi yo?

-"Meseleya Kurdan Ser o Cîgerayîşeko Sosyo-polîtîk, 2000-2020".

-Zey tezî aseno...

-Nê nê, tez nîyo, kitab o. Tez, antîtez, parantez, patatez... Hehoheuhuuooyy! Kitabê to ser de resmê çiçî esto?

-Mîrçike. Ti Kurdî zanê?

-Tayn. Yê mi de, do di tenî pûşî bibê; yew siya, o bîn sûr û sipî. C0nîya mi vat "Wa fotografê ma yê veyveyî bo" la nê… Labelê ez do rîpelê verîn de nameyê aye binusî: "Seba Sûzana mi û domananê ma Behlûl Burak û Aleyna Mîna..." Qapaxo peyîn de zî fotografê min ê wesîqa. Eeyyhh! Belkî dima ez bibî wekîl zî… To hende pere da?

-Pereyê çi?

-E, yanî... Heq...

-Mi telîfê xwu girot la tayn bi...

(Qelemêk gêno xwu dest, winî nimitkî kaxit verê xwu ser o "telîf" nuseno.)

-Ê temam, ti bivece...

Na xebere 1033 rey wanîyaya
No nuşte hema şîrove nêbîyo.