zazaki.net
28 Adare 2024 Panşeme
Girdîya Karakteran : 12 Punto 14 Punto 16 Punto 18 Punto
06 Çele 2013 Yewşeme 12:08

Evîna Mi

Bedrîye Topaç

Şewe zindan a ma ser de

Destê erd û asmênî zerzekerde yê..

Û raywanîya ma semedê welatê çinbîyayî ya

Dûran ra vengê yew cinîke reseno goşanê ma

Tamê şîwareyan de deyîran vana

Hezar kardî ginenê birinanê ma ro

Ti vanî:

- Ax evîna mi ax

Rind guh bide, ev dengê erdê me ye

Ev qîrî qîrîna birinên me ye

Tu êşek wekî êşa me nîne

Tu hêrs wisa asî nîne

 

Yew helî fir dano koyanê berzan ser de

Esterayode kewe gineno awa Munzurî ro

Çewres hêvîyî benê zergûn awa Xizirî de

Çewres domanî huyenê hewnan de

Yew şilîye dest pêkena

Yew laser herekîno

Çimanê mi ra yew behr koç keno

Ti vanî:

- Evîna mi megrî

Girîna te qîyameta min e

Hêsrên çavên te tofanê radikin li singê mi

Rojhelata dilê mi dirije, megrî…

 

Foto: Dîlawer Omer

Na xebere 3601 rey wanîyaya
No nuşte hema şîrove nêbîyo.