zazaki.net
21 Temmuze 2019 Yewşeme
Girdîya Karakteran : 12 Punto 14 Punto 16 Punto 18 Punto
14 Gulane 2019 Sêşeme 19:13

EHMÊD QASIMÛN

Umer Farûq Ersoz

Ewro yew astare xij bi asmîn ra

Namey nê astarey Ehmêd Qasimûn

Ey dima xemnak bi nebat herr' sera

Pel kerd xwi ver û vat Ehmêd Qasimûn

 

Gûl hîna bî sûr mend şa xwi ver sare

Vil bi virseyê xwi sare vet ware

Zergûneyê wisar xwi kerdo pare

Qey xatirê eşqê Ehmêd Qasimûn

 

Veng bermey beybûnî sosin mend qîj a

Vaş û çere lerza neflik mend dej a

Vervecik xwi ada xwi da hêt tîj a

Zikir kerd nameyê Ehmêd Qasimûn

 

Vildan sey yew lîhêfî xwi ant serê ey

Kozvilikan gil eşto dor û verê ey

Bi boyê nebata bîy de herrê ey

Bi misk û ember mend Ehmêd Qasimûn

 

Gulzera aşûyen Hîro verdîyen

Bi wisar zîl erzên bi xweza zîyen

Bi rengê kesk sûr û zerd adîyen

Sey alaya rengîn Ehmêd Qasimûn

 

Willay billay ma rî rehmê Homay bi

Ruh û canê şar bi guvîyê vay bi

Yew mijdana verîn şefeqê sibay bi

Feqîyê xweza bi Ehmêd Qasimûn

 

To dima çi vajî ez kuwen kemêy

Ti bî gulistan ma tu dima amey

Sey royê Muradî ma xwi yew çimey

Heq to ra razî bo Ehmêd Qasimûn

Na xebere 433 rey wanîyaya
ŞÎROVEYÎ
yıldız Kayması
dimili
Elah rehma xwo ya şa kero,Ehmed ê QASIMAN xwo dima bol eserên do mihîm verda,Ellah biresno hêwan dê ci .Labrê na şîîr di, gorê zazaki vatişên do şaş est o.
yıldız kayması:estare ravisyê ,
ESTARE XİJ Bİ nêbeno,Tebi zazaki di tenya no form çinyo labre formê bînan di zi totik (mantık ) jewo.
16 Gulane 2019 Panşeme 23:23