zazaki.net
17 Tebaxe 2017 Panşeme
Girdîya Karakteran : 12 Punto 14 Punto 16 Punto 18 Punto
03 Gulane 2010 Dişeme 06:12

Desmajê Ap Husî

[Fiqra]
Roşan Lezgîn

Ap Husê Keyê Hesan rojêk şino Dîyarbekir. A roje zî îne beno. Şino camîya girde (Ulu Camî). Seba girewtişê desmajî şino tuwalet. Feqîrê mi semedo ke qebz bîyo, zaf tuwalet de maneno.

Tuwaletê na camî hertim qelebalix o. Labelê rojanê îneyan zaf zêde ra qelebalix beno. Verê berê her tuwaletêk de çend merdimî têpeyde kewnê dore ver.

Tuwaletê bînî benê pirr, benê veng la tuwaleto ke Ap Hus tede yo, tim berê ey girewte beno. Êyê ke ha verê dore de vindertê, çend rey danê ber ro, “req-req” kenê.

Axir epey wext ser ro şino, tuwaleto ke Ap Hus tede yo, berê ey vano “çîzzz” û abeno. Ap Husê ma destê ey ha şilabende ra û vejêno teber. Înanê ke verê berî de pabeyê vejîyayîşî Ap Husî vindertê ra yew bi hêrs vano:

- Weeehhhewwwû! Se bi? Saetêk o ma pabeyê to yê musluman!

Ap Husê ma hem şilabenda şelwaranê xo girêdano, hem zî cewab dano, vano:

- Qina mi ra hende ameye! Dê hela ti şo, ma to zî bivînin!

Na xebere 1711 rey wanîyaya
ŞÎROVEYÎ
keko
murad sasani
silom u hürmet,Colig´di Nalbant Husen esti bu,rojek yew merdim husen´ra persaw vatu:Ap husen kar gure tu sinenu? ap husen vatu bira erebe vicyay guremi yew bine kem bu,feqet ez kemasi gure xur niqehrena mi keder xu ard besta ini herono, astaron iner qehrena
21 Hezîrane 2010 Dişeme 23:03
laser
laser roybırıg
ne fıkra zaw vesu me caray nesnawutu ne ey kome devu ma devamı fıkrayu wazenı syn roşan lezgin
06 Gulane 2010 Panşeme 22:06
kurmac u kırmanc
ma şari kurda
silav u réz. ez semedi no hikayeyike kami nuştiyo ez ey ra zaf spas kena :)) raşti zaf veşemi şi :) ez bi xo kurmanco labele ez nézano ziwanémayé kirdki çiré hende rindo u veşo. ez bi xo kirdki badira museya.eger ca ra ca mi xelet nuştibi şima qusurami néewnené. ez dubare (reyna) şimaré spas kena. xatirbe şima
03 Gulane 2010 Dişeme 18:30