zazaki.net
18 Tebaxe 2017 Îne
Girdîya Karakteran : 12 Punto 14 Punto 16 Punto 18 Punto
17 Kanûne 2011 Şeme 09:49

Derdê Homayî

Mistefa Gomayij

Mehemedê Mela Cemîlî zaf qeşmer o. Çi bela bêro ey sereyî ser, hêrsê xo Homayî ra vejeno.

Yew roji lajêkê ey holiki ra gineno erd ro, sereyê ey şikêno. Mehemed tifingê xwu gêno nano azmên ra. Vano, ez Homayî kişena.

Dewijî vane, “Awa rîyê tu rişaya. To aqilê xwu vînd kerdo? Ti kewtî gune, Homayî hete xelasa to çin a.”

Mehemed vano, “Aqil medê mi. Ez heqdar a…” Vano, “Ey cemat, ez roji ponc wextî nimajê xo fewt nêkeno, ferzê Homayî pêrun ana ca. Qey xebata mi ey ra nêasena? Ey belayê xwu mi sawuta. Leyîrey ra mi ra hal û karê ey bela dayîş o. Ey rê bes! Wext û zeman de yew qatira mi day vîndkerdiş. Keyê mi ricna. Enka zî sereyê lajekê mi şikîyayo. Ha mireno! Ez qandê xwu ra bêzar bîyo, ez bêçare mendo. Ez merg ra xirabêr bîya. Ey het xebata mi xabata golala gî ya. Roj bi roji ez peyser şona. Qeder û qismetê mi wederîyayo. Qet ez bider nêgeyreno."

Hacî Mehmedê Gomayij vano, “Aw çi veng o?” Milet vano “Ayo kafir Mela Cemîl tifing na Homayî ya.” Hacî Mehmed vano, “Mi çimê Mehmedî werdo, eke zano Homa esto, wa tifing pano.” Dat Mehyedînê Mela Xalitî zî vano, “Çimanê mi bidîyêni bikiştîn, ma pêro ti ra bixelisnayêne.”

Na xebere 1766 rey wanîyaya
ŞÎROVEYÎ
Nuşte yo bê mana
Piranij
Eke mêrdim wayîrê îman o teqlîdî bo, sey Mehemedê Mela Cemîlî û Hacî Mehmedê Gomayij beno. İnan nimacê xo zî şuurê ibadet miyan der nê kenî. Bipawe kenî. Eke paweya inan bêro ca zerweş benî, eke nêro ca asî benî. İbadet o bişuur no yo ke, bê pawe bibo. Homa hewle zî bido, xerab zî bido, ganî qebula mêrdim bibo. İman o bitehqîq no yo.

Ez seni nê şinaya mana bida no nuşteyi, ez ahande zî nê şinaya mana bida şiroveyê ‘Gula Sor’î. No tewir fıkra miyan cemiyeti de bivajî, se beno? Ez nê şinaya hêşê xo bianca pê ser. Şarê ma aver şino? Feqîrî ya ma qedêyena? Entellektelan ma zî boça Kemalistanê Tirkan tepişta û rahîrê inan ra şonî. Ganî mêrdim, -çi dîndar,çi bê dîn- bihurmet bo dîn o ke şarî miyan de bawerêyeno.

Bizan biy ke mêrdimê mutedeyyin zî no keyepel taqib kenî. İnan rencîde mekerin
18 Kanûne 2011 Yewşeme 19:04
Sor
Gula
Çok şükür ki artık bizimkiler de böyle fıkralar anlatıyorlar. Bundan sonrası için artık umutluyum.
Hangi yörede anlatılıyor acaba?
17 Kanûne 2011 Şeme 17:06