zazaki.net
18 Tebaxe 2017 Îne
Girdîya Karakteran : 12 Punto 14 Punto 16 Punto 18 Punto
02 Tebaxe 2009 Yewşeme 13:35

Deniz Gunduz

Amadekar:
Roşan Lezgîn

Deniz Gunduz, romannuştoxo verên yê kirmanckî (zazakî) yo. Çeleyê 1976î de dewa Gimgimî Canesera de maya xo ra bi. Hema ke hîrêserre bi, keyeyê înan bar kerd, şîy bi dewa Uskira. Wendegeyo verên Uskira de wend. Mîyanên zî na dewe de dest pêkerd la Tetwan de temam kerd. Wendişê lîse zî, Bidlîs de dest pêkerd, Îzmîr de temam kerd. 1994 de Anadolu Üniversitesi ya Eskişehirî de qismê Tarîxê Hunerî (Sanat Tarihi) de qeyda xo viraşte labelê wendişê xo temam nêkerd. 1996 de Îzmîr de temsîlkarîya Weşanxaneya Komalî kerde. Wexto ke no gure kerdêne, xo da xebata ziwanê kurdkî ser û dest pêkerd bi kirmanckî nuşt. Serra 2000î de romanê xo Kilama Pepûgî ke romano yewin yê kirmanckî yo, da weşanayîş. Serra 2003 de bi wasitayê Weqfa Kurdî ya Kulturî li Stokholmê Unîversîteya Upsala de yew termîn kirmanckî wende. Badê ke Swêd ra agêra, Îstanbul de Weşanxaneyê Vateyî awan kerd. Û êdî bi temamî xo da karê edebîyatî û weşangerîya kirmanckî ser. Kovara Vateyî ke Swêd de hetê Grûba Xebate ya Vateyî ra amade bena, Tirkîya de dano çape ro û vila keno. Heto bîn ra Weşanxaneyê Vateyî de kitaban çap keno.

Eserê eyê ke hetanî nika weşanîyayê:

1) Kilama Pepûgî (roman), Vartan, Anqara, 2000

2) Hîkayeyê Koyê Bîngolî (hîkaye), Weşanxaneyê Vateyî, Îstanbul, 2004

3) Kırmancca/Zazaca Dil Dersleri (gramer), Weşanxaneyê Vateyî, Îstanbul, 2006

4) Deniz Gunduz, Soro (roman), Weşanxaneyê Vateyî, Îstanbul, 2010

 

Deniz Gunduz

Resmê qapaxê kitabanê Deniz Gunduzî:

 kilama-pepugi1.jpg

Deniz Gunduz, Kilama Pepûgî, Vartan, Anqara, 2000, 536 r.

299.20090811082821..jpg

Denîz Gunduz, Hîkayeyê Koyê Bîngolî, Weşanxaneyê Vateyî, Îstanbul, 2004, 138 r.

471

Deniz Gunduz, Kırmancca/Zazaca Dil Dersleri, Weşanxaneyê Vateyî, Îstanbul, 2006

 

Deniz Gunduz, Soro, Weşanxaneyê Vateyî, Îstanbul, 2010, 525 rîpelî

 

Na xebere 6742 rey wanîyaya
No nuşte hema şîrove nêbîyo.