zazaki.net
17 Tebaxe 2017 Panşeme
Girdîya Karakteran : 12 Punto 14 Punto 16 Punto 18 Punto
23 Gulane 2010 Yewşeme 12:32

Demagojî

[Fiqra]
Uzcan Yilmaz

Rojê Dêrsîm de gerîlayê partîyade çepe şonê yew (zu) dewe. Xebere (xevere) rusnenê ke şarê dewe keyeyê (çeye) de top bibo. Şar ke yeno nê keyeyî de top beno, gerîlayan ra yew dest pêkeno propaganda partîya xo keno. Senî ke nê partîyan de edet o, propaganda xo kî (zî) bi tirkî keno. Endî heme tarîxê mordemîye, zilm û zordarîye bi perspektîfêde marksîst û maoîstî dano zanayane. Hetê ra komunîzm, Komunê Parîsî, Şorişê Rusya, Şorişê Çînî… Heto bîn ra, kapîtalîzm, proleterya, burjuvazî, burjuvazîyo qij, teorîya hîrê dinyayan, usê sîyasî yê qizilî, şorişo gird yê kulturî ra qisey keno.

Dewijê ke ne tirkî ne kî nê ziwanê (zonê) kodîfîyeyî zanê, qet teba (tiway) fehm nêkenê. Cinîkê kena ke çîyê vajo, de şorişgerê ma qet nêvindeno, dewam keno. Xeylê wext ke vîyareno ra, axir cinîke ra vano:

- Buyur ana, ne istiyorsun? (*)

Cinîke vana:

- Bira bira, ma vêsanîme vêsan. No lajekê ma eskerîya ra newe ameyo, tobe bo ne kar o ne kî çî yo. Ma rê kar lozim o, non lozim o.

Naye ser o şorişgerê ma qarîno vano:

- Birak demagojî yapmayi ana! (**)

___________

(*) Kerem bike dayê, ti çi wazena?

(**) Fek demagojî ra verade dayê!

Na xebere 1948 rey wanîyaya
ŞÎROVEYÎ
roj
tari
rindike biyaa..
24 Gulane 2010 Dişeme 16:27
veroz
Erdal Tunç
Dest u paye to weş be bıra. Fiqraya ke to arde ra zıwan raştiye tede zaf a. Wexto ke gerilayané çepgir vejiyay bı kowan ser o, tesiré politikaya asimilasyona dewleta Tirk, zere şare Kırmancan de ca guretbi.
23 Gulane 2010 Yewşeme 19:14