zazaki.net
13 Kanûne 2017 Çarşeme
Girdîya Karakteran : 12 Punto 14 Punto 16 Punto 18 Punto
12 Teşrîne 2016 Şeme 10:54

Dê Vaje Hejarê Şamîl, Ez Kurd a yan Ney

Hejarê Şamîl

Yewî hema winî mi ra persa, hema winî. Halê kurdanê Azerbaycanî winî yo. Persanê winasîyan kenê…

Mi rê bi azerîkî no mektub nuşto: 

"Selamuneleykum Hejarê Şamîl, ti senîn ê? Homa şima ser o yar bo, Homa şima muhafeze bikero.

Yew persa mi do şima ra bibo. Eke zehmet nêbo, qaso ke ti zanê mi ra vaje. Ez qezaya Kelbecerî dewa Milî ra ya. Nameyê mi Îsmaîl Çiraqovdu. Ez kurd a yan ney, ancax ez naye zana ke dapîra mi Monsume ziwanê kurdî zanayne. Babîyê mi qezaya Kelbecerî de merdimêko şinasnaye bi, ci ra vatêne seydvan û 'NKVD* Mosum'. Labelê ma ziwanê kurdî nêzanê. Ez wazena vajî ke, dê hela biewnî, ma kurdê yan ney? Ez naye zî zana ke ma o wext gama ke şîyêne muze, mamosta Şamilî** vatêne ez zî milî ya. Ma ra vatêne 'dedza', rehma Homayî ro ci bo.

Yew ema dadîya mi estbî, ema Gulce. Mi vîr de yo, aye tewirêk kincî dayêne xwu ra; tumanê panceyê înan lastîkinî. Ez nika ewnîyena edetê kurdan ra, ê kincî îsbat kenê ke eslê ma kurd bîyo. Eke ti yew çî zanê, mi ra vaje. Ez rica kena. Zaf sax be, Homa to muhafeze bikero."***

Kurdê Azerbaycanî persanê winasîyan kenê: "Ez kurd a yan ney?"

Asîmîle bîyê û hende ke binê tesîrê propagandaya azerîyan û tirkan de benê ke birra zî nêzanê kam ê. Kurdê Azerbaycanî hewcedarê eleqeyê ma yê. Gereka her kurdêko welatparêz û zerrîveşn qet nêbo yew kurdê Azerbaycanî dir dostanî û hevaltî bikero…

__________

*NKVD: Komserîya Şarî û Karûbarê Zereyî (KGB)

**Şamîl Esgerov (1928-2005) babîyê Hejarê Şamîlî yo, Kurdistanê Qafqasya de merdimêko namdar bîyo.     

***Seba ke rewşa asîmîlebîyayîş û eslê xwu ra dûrkewtişê kurdanê Azerbaycanî nîşan dano, mi azerîkî ra tercume kerd. (R. L.)

Orîjînalê mesajî wina yo:

"Salam elekum, Hejarê Şamil, necesiz? Allah üstünüzde yar olsun, Allah sizleri qorusun.

Menim bir sualım olacaq sizden. Xahiş edirem, bildiyiniz qeder beni anladin. Men Kelbecar reyonun Milli kendinenem. Adım İsmail Çıraqovdu. Ben Kurdem ya yox, ancaq men onu billem ki anababam Monsum kişi, Kürd dilini bilirmiş. Babam Kelbecer reyonunda tanımiş adam olub ovcu ve 'NKVD Mosum' deyerdiler. Ancaq biz Kürdü dilin bilmirik. Demek istediyim, gor biz Kurduk ya yox? Onu da bilirem ki biz o waxt muzeye gelende Şamil müellim deyerdi ki, men de Milliyem. Bize emioglu deyerdi, Allah rahmet etsin.

Menim anamın bir maması var idi, Gulce mama. Yadımdadır, o bir geyim geyerdi; tuman, ayagi rezinli. İndi Kürd medeniyetine baxiram, o geyim subut edir ki, bizim esil kok Kürddü. Eger bir açıqlama bilirsizse, mene anladın. Xahiş edirem. Çox sagolun, Allah sizi qorusun."*

_______________

*No nuşte "Newepel, Rojnameyê kulturî, Hûmare 92, Dîyarbekir, Teşrîna Verêne 2016, r. 5” de weşanîyayo.

YASAL UYARI: www.zazaki.net kaynağında yayınlanmış herhangi bir haber, yazı veya fotoğrafın site editöründen izin alınmadan olduğu gibi kopyalanarak ya da üzerinde çeşitli oynamalar yapılarak herhangi bir yerde yayınlanması; farklı çalışmalarda alıntı olarak kullanmak amacıyla cümle veya paragrafların kopyalanmasında ise standart bir şekilde kaynak belirtilmemesi durumunda hukuki süreç başlatılacaktır!

Na xebere 1915 rey wanîyaya
No nuşte hema şîrove nêbîyo.