zazaki.net
18 Tebaxe 2017 Îne
Girdîya Karakteran : 12 Punto 14 Punto 16 Punto 18 Punto
24 Tebaxe 2010 Sêşeme 08:52

Camêrdîye

Fiqra: Uzcan Yilmaz

Serranê hezar û new sey û newayan de rayanê Dêrsîmî de her nêm saete ca de reyê esker, tîm û polîsan erebeyî vindarnayêne, milet/şar kontrol kerdêne.

Rojê otobusê Xarpêt ra şina Dêrsîm. Sînorê (şîndorê) Dêrsîmî de eskerî na otobuse vindarnenê ke kontrol bikerê. Eskerê keweno (kûno) zereyê otobuse. Nasnameyanê her kesî (keşî) top keno, dima kî vano:

- Erkekler aşağı!*

Camêrdî kewenê ra têdime şonê war. Esker nîyadano ke yew (ju) kokim kî kewto ra dime, giran-giran şono. Esker şono ke ci ra vajo “ti kokim a, meşo, nasnameyê xo bide mi, xo rê cayê xo de vinde”. Vano:

- Apo ti qey şona? 

Hîna ke qesa xo nêqedênaya, ap qarîno beno sûr û çirr. Esker qet tiwa fehm nêkeno. Xanime kî leye der a, apê ma qarîyo bîyo heşo (heso) dirvetin. Esker ancîna (oncîya) vano:

- Ti qey şona?

Ap çogana (bastona) xo berz keno, xo anceno ra eskerî û vano:

- Oxlim qey ben êrkeg degîl mîyîm!**

___________

*Wa camêrdî bêrê war!

**Lawo ma qey ez camêrd nî me!

Na xebere 2351 rey wanîyaya
No nuşte hema şîrove nêbîyo.