zazaki.net
21 Temmuze 2017 Îne
Girdîya Karakteran : 12 Punto 14 Punto 16 Punto 18 Punto
13 Tebaxe 2014 Çarşeme 21:48

BORANÎ Û DOMANÎ

Bedrîye TOPAÇ

Boranî estê sêneyê domanan de

Boya gelîyan awiran de

Çerexînê, çerexînê, çerexînê...

La asmên yew Homayê bakîrî rê qurban kerdo!

Na xebere 5044 rey wanîyaya
ŞÎROVEYÎ
Mi çik fehm nêkerd
Zaza ferit
Bi çend çekuyan şîîr nêbeno mi gore. Bedriye topaç çi vana no keyepel erzeno weşaneno. gelo îdarekera nê keyepelî bedrîya topaç a? şengal veyşeno no keyepel de çîyêk çîn yo. Gelo kes çîn yo semedê kurdê êzîdîyan çîyêk binuso? Roşan lezgin eşkayêne yew nuşteyêko sexlem binuso. La heta nika yew çî nênuşto. Ma no keyepel ra hes kenî û teqip kenî la her tim torpîl nêben o.
-----------------------------------------------------
Ferîd!
Ez vajî to zaf eyb kerd, gelo faydeyê xo beno? Ez nêzana!
Nê keyepelî de kesî rê torpîl çin o. Kam ke nuseno, ma nuşteyanê înan weşanenê.
Bedrîye Topaç, nusena, seba Zazakî.Net şawena, ma zî weşanenê.
Yanî ti vanî ma nêweşanin? Ti vanî se?
Derheqê şîîre de zî fikrê to rast nîyo, şîîre bi yew rêze zî bena.
La madem ti şîîranê Bedrîye begem nêkenî, dê ti binuse, hîna weş binuse, ma pîya şîîranê rastan bivînin.
Derheqê Roşan Lezgînî de zî ti xelet fikirîyenî.
Roşan Lezgînî tena çar serrî mekteb wendo, emrê xo înşatan de, karanê giranan de vîyarnayo, wayîrê keye û kulfetî yo.
Hetanî nika nêzdîyê 20 hebî kitabî neşr kerdê.
Rojnameyê Newepelî vejeno, kovara Şewçila vejeno, keyepelê Zazakî.Net îdare keno, Weşanxaneyê Roşna îdare keno. Heta ke yew nuşte raşt keno, çimê ey vejyenî!...
Heto bîn ra Roşan Lezgîn qey ellemeyê cîhan nîyo! O zî însanêko sey to yo.
Belkî ti bi tehsîlê xo, bi sihhetê xo, bi qam û qilafetê xo, bi mal û milkê xo desla zêdeyê ey ê.
Herinda ke ti hende ziwandergîye kenî, dê ti derheqê Şengalî de nuşteyêko saxlem binuse.
Ma bivînin hela nuşteyê to yo saxlem kamî xelisneno?
Ti vanî qey mesulê trajedîya Şengalî Roşan Lezgîn o?
Yan ti vanî, keyfê ey yeno ke Şengal de kurdê masumî bi destê wehşîyanê hovan qetl benê, o zî xo rê bêveng vinderto.
Ti kamca ra zanî ke Roşan Lezgîn “eşkayne binuso?” la nênuseno? Ti ey het î?
Ferîd!
Seba Şengalî nika tasêk awe kena bi hezar nuşteyan!
Eke to ra yena, şo tasêk awe bide tutanê ke teşne ver mirenê. To ra yena, şo cebhe.
Zazakî.Net de havila nuşteyêk Şengalî rê çin a.
Ferîd,
Rîyê merdimanê sey to wina vazonanê xeberçorsan ra zafê reyan merdim her çî ra beno serd!
Ez to rê behsê edeb, terbîyet, nezaket û hurmetî nêkena, çunke bellî yo ke to ra zaf dûrî yê…
Homa îsleh bikero!...
14 Tebaxe 2014 Panşeme 11:45