zazaki.net
19 Oktobre 2017 Panşeme
Girdîya Karakteran : 12 Punto 14 Punto 16 Punto 18 Punto
28 Oktobre 2011 Îne 18:23

Bavayê Mi

Hesê Qajê

De wayê wayê, bavayê mi wayê

Açix yeno vundanê

Sebeta to rayberê Seyd Axayî

Bêbext to ra çaliş bîyo

Ebe meqamê Sey Rizayî

Rayber ama, bavayê mi

Nêamo, zerê mi terseno

Merdena lacê kesî ra înam nêkeno

Merdena lacê kesî ra înam nêkeno

Vano, sima çayê mi xapnenî?

Bavayê mi henî rehet nêmireno

Kafir deymîsê bavayê mi mebe

O herbê dugelon rê lazim beno

Ne meso meso, bavayê mi samî ro (…) meso

Vano, mi ninga xo nêardenî zerê samî

(…)

Axa lerzno zêde nêwes o

Kafirî amay virnêya ma

Kesê ke cayê ra îmdad ma ra nêresno

Samî vesayî

Merdena to ser o aşîre tedî bî terefî

Merdena to ser o aşîre tedî bî terefî

Merdena to rê ez kar nêbo

Kokimî samî kerdo paya kerefî

Bavayê mi espar bîyo

Şîyo meymanîna şine (…)

Vano, kafirê be ma kerda

Na çik a bêbextîne

Destê mi kî kono çeke

Berbena maya zafînî

Way de bava, bavo axayê mi, bavo

Merdena to rê wa ne kafir sa bo

Merdena to rê wa ne kafir sa bo

Zimistano çay çira vecîya, çima rê xirab o

Zimistano çay çira vecîya, çima rê xirab o

Kam kî tarî arda vernî çîmê, kulê kotî tey peyda bo

Way berda berda qaymaqamê Xozatî

Ti mi ra tirta berda

Lawê m’, ti her nêbîya çay hende rehet merda

Lawê m’, ti her nêbîya çay hende rehet merda

Kafir qurbanê Xizirî ser o ezo şeyîd kerdo

Bavayê mi yeno, ne vaydê koyo ra

Adir bi (…) çê aşîra kuyo tedî çime anê to ra

Adir bi çê aşîra kuyo tedî çime anê to ra

 

Dismen gano teber çîn o

To meso wertê qirxana

Axdat yeno nê vengê nê şînî

Adir di çê aşîra kuyo, bavayê mi kerdo vînî

Adir di çê aşîra kuyo, bavayê mi kerdo vînî

Bavayê mi, ti nêna rotene, ez to biherinî

Kafirê demîsê bavayê mi mebe

Virnî aşîrî de dano pêro sono herbê çînê

De wayê wayê, bavayê mi wayê

Açixê nayê vaundanê (…)

Sebeta to rayberê Seyd Axayî

Bêbext to ra çaliş bîyo

Ebe meqamê Seyîd Rizayî

Samî vesayo, bavayê mi leyê

Rayber vano, aşîrî têde jubînî vînenê

Bavayê mi çîn o tey

Rayber vano, aşîrî têde jubînî vînenê

Vengî ginena bavayî ro

Aşîro vazdanê te bîyerê (…)

Samî vesayo, bavayê m’ kere

Xeber ama destê bavayê m’

Aşîre rê bî qeweto tere

Xeber ama destê bavayê m’

Aşîre rê bî qeweto tere

Vengî yenê nê (…) bavayî ro

Aşîre kote ne zere

_________

NOT: Na deyîre yew kasetê kehenî ra hetê Duzgun Axdat, Mahîr Dogan û Roşan Lezgînî ra ameya deşîfre kerdene. La seba ke veng zaf bêkalîte bî, coka tayê cayî fehm nêbî. Cayê ke bi (…) îşaret bîyo, fehm nêbîyê.

Na xebere 2023 rey wanîyaya
ŞÎROVEYÎ
rasta
Axdat tilaq
bavabava; rast wana xelat nusiyo, mı rınd kos na ser naye vano.

"Lawê mi wa ti her nêbîya çay hende rehet merda"

xelati dinê ki 'Sebeta to rayberê Seyd Axayî' nusiye rastixo Seneta (türkçede senet) to rayberê Seyd Axayî beno
03 Teşrîne 2011 Panşeme 23:46
bavabava
bava
"Lawê m’, ti her nêbîya çay hende rehet merda"

No cumle yan xelet vajiyo yan zi xelet nusiyo. Deyire Bavayi sero ya la bavayi ra vajino "her"!!!!
30 Oktobre 2011 Yewşeme 21:44