Şaşnuştiş Zirar Dano Kirdî!

Şaşnuştiş Zirar Dano Kirdî!
Roşan Lezgîn

Sloganê Afîşe de:

MA VÎRA NIKERD O – MA VÎRA NIKEN Ê

ME JI BÎR NEKIR – EM JI BÎR NAKIN

UNUTMADIK – UNUTMAYACAĞIZ

* * *

Seke aseno, sloganê ena afîşe bi her di lehçeyanê Kurdî yê Kurdistanê Bakûrî, yanî bi Kirdî û Kirdasî û bi Tirkî nusîyayo. Raşte zî ena ya ke heme fealîyetanê neteweyî yê kurdanê Kurdistanê Bakûrî de her di lehçeyî sey yewbînan bêrê şixulnayiş. Û xwura, beno ke qismêk kurdî bi Kurdî nêzanê, coka normal o ke tayê çî bi Tirkî zî bêrê nuştiş.

Enê serranê peyînan de, yanî par û emser, zaf kêmî bo zî, sey enê sloganî merdim vîneno ke tayê cayan de bere-bere Kirdî zî hetê dezgeyanê kurdan ra yena şixulnayiş. Seba Kirdkî eno averşîyayîşêko musbet o.

Helbet nuştişê Kirdî karêko baş o, keyfê merdimî ano. La bi şerto ke raşt bêro nuştiş. Çimkî gama ke şaş bêro nuştiş, kar ra vêşêr zirarê ci lehçe rê esto. Yanî, şixulnayiş û nuştişê lehçe baş o, gereka ma piştgirî bikerê. Labelê seba ke şaşnuştiş zirar dano Kirdî, coka gereka ma qebûl nêkerê.

Meselaya rastnuştişî de wezîfe keweno milê kirdan ser. Çimkî kirdasî bi xwu Kirdî nênusnenê, nêzanê binusnê. Xebatêka winasî de miheqeq bi yew Kirdî danê nuştiş. Coka kirdê ke enê karan kenê, gereka yan rastnuştişê Kirdî bimûsê yan zî kesêkê zanayeyî ra bipersê.

Ma hewna biewnîyê nuştişê sloganê ena afîşe ra.

Hetê rastnuştişî ra Tirkî de problem çinê yo. Tirkî raşt nusîyaya.

Kirdasî zî rast nusîyaya. Hem hetê rastnuştişî ra hem zî hetê tercumeyî ra problem tede çinê yo.

Labelê Kirdî hem hetê tercumeyî ra hem hetê rastnuştişî ra şaş nusîyaya.

Hetê tercumeyî ra karê îbareyê verînî de şaşî esta. Tercumeyê karê “NEKIR” yê Kirdasî neke “NÊKERDO”, “NÊKERD” o. Çimkî karê “NÊKERDO” yê Kirdî teqabulê “NEKIRIYE”yê Kirdasî û “UNUTMAMIŞIZ”ê Tirkî keno.

Hetê raştnuştişî ra zî gereka wina binusîyayne:

MA XO VÎRÎ RA NÊKERD – MA XO VÎRÎ RA NÊKENÊ

Ez hêvîdar a kesê ke fealîyetanê xwu de Kirdî şixulnenê, yan ê bi xwu raştnuştişî bimûsê û Kirdî raşt binusnê yan zî merdimanê zanayan ra bipersê. Enê her di alternatîfî zî mimkun ê.

Bu haber toplam 11908 defa okunmuştur
HABERE YORUM KAT
UYARI: Küfür, hakaret, rencide edici cümleler veya imalar, inançlara saldırı içeren, imla kuralları ile yazılmamış,
Türkçe karakter kullanılmayan ve büyük harflerle yazılmış yorumlar onaylanmamaktadır.
7 Yorum