Çetin Satici

Çetîn Satici 1970 de qezaya Gêxî ya Çewlîgî de dewanê Karêrî ra Derê Layî de ameyo dinya.

Mektebê verên dewanê Karêrî ra Çafran de, mektebê mîyanên û lîse zî Îzmîr de wendî. 1991 de Unîversîteya Înonu de beşê “Teknîk-Motor”î ra mezun bî. 1996 de şî Awustralya, nika nê welatî de ciwîyeno.

Serra 2002 de, Enstîtuya Northern Melbourne yê Unîversîteya TAFE de beşê “Sîstemê Komputure” qedêna. Nika unîversîteya RMIT de beşê “Komputîng û Teknolojîyê Înternet”î de wendekar o.

1988 de bi kirmanckî dest bi nuştişê şîîran kerd. Tayê kovar û rojnameyan de şîîrê eyê verênî ameyî weşanayene. Çetîn Satici bi hunerê fotografî û fîlmanê dokumanteran eleqedar beno. Tayê rojname û televîzyonan de fotograf û fîlmê eyê dokumanterî weşanîyayê.

Kitabê Çetîn Saticî ke hetanî nika weşanîyayê nê yê:

1) Çetîn Satıcı, Azebe, Weşanên Sî, Îstanbul 2002, 112 r.

2) Çetîn Satici, Roja Sîpîye, Weşanên Elma, Îstanbul, 2003, 83 r.

3) Arêkerdox: Çetîn Saticı, Şalîl û Bilbil, Köln, 2007, 153 r.

Çetîn Satici

Çetîn Satıcı, Azebe, Weşanên Sî, Îstanbul 2002, 112 r.

Çetîn Satici, Roja Sîpîye, Weşanên Elma, Îstanbul, 2003, 83 r.

Arêkerdox: Çetîn Saticı, Şalîl û Bilbil, Köln, 2007, 153 r.