Burçîn Bor

Burçîn Bor 14.11.1989 de Çewlîg de ameya dinya. 1996 de şîye Almanya. 1997 de dest bi mekteb kerd. 2010 de Altes Gymnasium Bremen ra mezun bîye û Alberts Ludwigs Universität Freiburg de dest bi wendişê beşê eczakarîye kerd la dima ca verda. Badê pey 2011 de Carollo Wilhelmina Universität Braunschweig de dest bi wendişê muhendîsîya bîyolojî kerd. Nika hem wendişê xo dewam kena hem xebitîna.

Badê ke rojnameyê safî bi kirdkî Newepelî adara 2011î de dest biweşanî kerd, Burçîne zî bi nameyê Zerîn Azrawa dest bi nuştişê kirdkî kerd. Verî nuşteyê aye rojnameyê Newepelî de weşanîyayî. Dima hîkayeyê aye kovara edebî hunerî Şewçila de weşanîyayî.

No kitabê aye yo verên o:

Burçîn Bor, Hêvîya Macire, Weşanxaneyê Roşna, Dîyarbekir 2013, 72 rîpelî