zazaki.net
19 Adare 2024 Sêşeme
Girdîya Karakteran : 12 Punto 14 Punto 16 Punto 18 Punto
01 Tebaxe 2009 Şeme 08:25

Murad Canşad

Bîyografî: Zazakî.Net

Murad Canşad 1974 de mezraya Derwêşan a dewa Gendan a qezaya Pulurê (Ovacık) Dêrsimî de maya xo ra bîyo. Domantîya ey dewe de vîyarte. Wendişo verên û mîyanên Pilemurîye (Pülümür) de mektebê pansîyonî (yatılı okul) de wend (1981-1989). Dima Xarpêt de lîse wende (1990-1993). Serra 1993 de “İstanbul Üniversitesi Siyasal Bilgiler Fakültesi” de dest bi wendişê unîversîte kerd. Wexto ke unîversîte wendêne mîyanê rêxistîna sîyasî ya îlegal a bi nameyê Yewîya Ciwananê Kurdistanî de xebitîya. 1995 de ame tepîştiş. Badê ke des serrî mehkeme bi, peynî de cezaya muebedî girewte. Hepisxane de “Anadolu Üniversitesi Açık Öğretim Fakültesi” ra mezub bî.

Murad Canşadî hepisxane de dest bi nuştişê kirmanckî kerd. Hetanî nika gelêk hîkaye û meqaleyê ey kovar û rojnameyanê cîyacîyayan de bi kirmanckî û tirkî weşanayîyê.

Eserê eyê ke hetanî nika sey kitab werşanîyayê nê yê:

1) Xafilbela, Weşanxaneyê Vateyî, Îstanbul, 2008, 85 rîpelî

2) Hesê Mişî, Weşanxaneyê Roşna, Dîyarbekir, 80 rîpelî

Murad Canşad, Xafilbela, Weşanxaneyê Vateyî, Îstanbul, 2008, 85 rîpelî

Murad Canşad, Hesê Mişî, Weşanxaneyê Roşna, Dîyarbekir, 80 rîpelî

Murad Canşad, Waştî, Weşanxaneyê Roşna, Diyarbekir 2015, 80 rîpelî

Na xebere 8863 rey wanîyaya
No nuşte hema şîrove nêbîyo.