zazaki.net
23 Oktobre 2017 Dişeme
Girdîya Karakteran : 12 Punto 14 Punto 16 Punto 18 Punto
01 Adare 2010 Dişeme 08:07

Mey Çin Bo

[Şîîre]
Xerîbzeman

 

MEY ÇIN BO

 

Roc gêrîyayo, tarî û hewr û mij o

Merdimo bêeşq roşn û tarî de gêj o

Dinya veng a, karê aye tewş o, qirêj o

Eke dilbere zî nêbo, her çî req û rij o

 

* * *

 

Mey çin bo, tu rewşe de mana çin a

Dilbere çin bo, tu cayêk de roşna çin a

Serxoşîye çin bo, tu felek de azadî çin a

Haya geyrayîş de roşan û şênayî çin a

 

* * *

 

Keyneke reqesêna, keyfê aye mestî ra bol î

Homayî xemelnaya, dayo aye, nê hawa rolî

Çimezeytun a, gerden maneno peleyê vewrî

Zewq û sefa rê ferman kerdo Rebbê corî

 

* * *

 

Dinyaya bêgunehe bêjî ya, bena çol û deşt

Her çî mubah o, her di kenarî zî ma rê beheşt

Ez nêvano, ti vace ya pîrikê ma yo Zerdeşt

Eyro zî vîyart, Heq şah û pîl o, wa bêro meşt

Na xebere 2100 rey wanîyaya
ŞÎROVEYÎ
mirdas.74@hotmail.com
şahidin şimşek
heyana ewro mı sey no şiiro dımılki şiiro weş mı néwend. mı va qay ez şiiri Heyamı bı zıwanı farıski ez wanena.
01 Adare 2010 Dişeme 19:59