zazaki.net
25 Hezîrane 2019 Sêşeme
Girdîya Karakteran : 12 Punto 14 Punto 16 Punto 18 Punto
09 Sibate 2019 Şeme 14:14

LACEK Û ASE

Macir Cîron

Rindê, tu ser ez biya evdal

Ti kêneka rinda delal

Hesîr çimon tu qey yên war?

 

Ase va “Lo lo laco, lacê may xwu

Şima ra zafîn dest nikerd xwu

Dişmenî zî yow çî hesibna xwu”

 

Mi va “Asê min a beşin berz û derg

Sînê tu ma r’ sê yow merga çeqer

Tayê tê çerey, honc nibî serger

Înşela yin pirnikon ra biyer!”

 

Ase va “Laco, lacê pî û mayê xwu

Şar tu vînen sê yew gayê xwu

Ti tim veng resên la û bênd xwu

Sê tu z’ niben, ti qey dest niken xwu?”

 

Mi va “Asê min a çimsiyey

Hesir çîm tu çey niqêdyey

Derd û kulon ma ser cêmdiyey

Zerrê nî Macîr Cîron tu ser helyey”

 

Ase va “Laco, lacê lacon

Şima mi zaf vînen ercon

La birûyê mi rînd, kilê çimon

Şar ez gureta, şima nidon!”

 

Mi va “Lê lê Asê, gilidergê

Lowtenikê qalgironê

Qalind vay ê, Hûmay dayê

Şar xwu r’ guret, ma xapîyey!”

 

Ase va “Lo laco, lac xapînek

Zaf pê xwu hêt min a mek

Mi ra hes kên se, mevaj pê fek

Herûnd de vate û qalê xwu dek”

 

Mi va “Lê lê Asê, sûrettasê

Ez zerr kota tu sê Ehmêd Xasê

Lê lê rindê gerdenxasê

Ez hend bermaya, çim mi masê!”

 

Ase va “Lo laceko, lacek zaza

Tu û kurmonc em û emza

Goran û soran û lûr îz deza

Ez pê şima ya sariberz a”

 

Mi va “Asê kom tu terkna, bi macir

Şar erd ma werd, biyû sê xinzîr

Çi rey iz ma nêamê yin vîr

Inê xuwêz hîn nivindên cîr!”

 

Ase va “Lajo, hê êst şima şerwon

Dest daw yobînon xuert û kênon

Yi row-erêy mi şar xwu r’ on”

30.12.2018

Na xebere 519 rey wanîyaya
No nuşte hema şîrove nêbîyo.