zazaki.net
25 Teşrîne 2017 Şeme
Girdîya Karakteran : 12 Punto 14 Punto 16 Punto 18 Punto
24 Sibate 2011 Panşeme 22:49

Gilberte Favre Zaza Reyde Roportaj

Roportaj Hulya Yetîşen

Hulya Yetîşen cinîya Nûredîn Zazayî (*) Gilberte Favre Zaza (**)xanime reyde yew roportaj kerdo û roja 21.02.2011 de keyepelê Kurdîstan Postî de weşanayo. Seba ke roportaj balkêş o, mi Hulya xanime ra destur waşt ke tercumeyê kurdkî bikerî. Keyeyê aye awan bo, aye hem destur da hem tayê fotografî şawitîy hem zî bi hawayêko mutewazî cewab da heme persanê derheqê roportajî de.

Ez Hulya Yetîşen xanime rê sipas kena. (Roşan Lezgîn)

*  * *

Hulya Yetîşen: Gilberte xanima delale, to senî û çi şertan de Nûredîn Zaza nas kerd?

Gilberte Favre Zaza: Ez û Nûredîn Zaza, serra 1971 de Swîs de buroyê kovara magazînî “Illustre” ke bi fransizkî weşanîyayêne, ma rastê yewbînî bîy. Muawinê mudirê karê nuşteyan yê na kovara ke ez serra 1969 ra nat tede şuxulîyayêne, Nûredîn Zaza sey nuştoxêkê kurdan bi mi dabi nas kerdene. Ey zî Nûredîn keyeyê birayê xo de bi wasitayê dostê xoyê muşterekî Gilbert Baechtold nas kerdbi. Seba ke zanayêne eleqeyê mi Rojhelatê Mîyanênî ra esto, wina fikirîyabi ke do bala ma her di hetan zî bianco…

Hulya Yetîşen: Şima hewtês serrî pîya ciwîyayî, taybetîyê Nûredîn Zazayî ke to ser o tewr zaf tesîr kerdo, çi bî, ey dima çi mend?

Gilberte Favre Zaza: Nûredîn Zaza do hertim zerrîya mi de biciwîyo. Yew roja ke ez ey nêfikirîyî çin a. Neke tena mazî de, nika zî ciwîyêno. Ez ey ra zaf çî musaya. Tewr zaf zekaya ey, kulturê ey ke dinya rê akerde bi, exlaqê ey, hetê eyê însanî, ciwamêrdîya ey, eşqê ey ê seba heyatî û esaletê ruhê ey zaf tesîr ro mi kerd. Ez hîna zî nêresaya qabîlîyetê ey ê efkerdişî. Merdimanê ey ra, înanê ke zerar da ey ro, yanî zerar da lajê ma ro, ez nêşêna înan ef bikerî. Çîyo ke bi mi bibo ez şêna ef bikerî la çîyo ke bi ey û lajê mi beno ney...

Seba wendişê dewamê roportajî bitikne>>

Na xebere 2720 rey wanîyaya
No nuşte hema şîrove nêbîyo.