zazaki.net
25 Teşrîne 2017 Şeme
Girdîya Karakteran : 12 Punto 14 Punto 16 Punto 18 Punto
11 Hezîrane 2011 Şeme 21:52

Fîl û Merjêlû

Cemal Azij

Welatê fîlan de yow serri ne varûn vareno ne zî vori varena. A serri erd beno wişk, vaş nêvejên. Fîlî anênê him têşan him zî vêşan manên. Yen pêser, vanê ma se bikerîn? Xu mîyan di qisey kenê, vanê ma şi xu rê yow welato newe bivîn.

Yenê pêser, kunê cehdi. Yenê yow welat, onên zaf weş o. Her ca awki esta, vaş esto, fêkî estê. Vanê, în welatê kamcîn miletî yo? Musên ke o welat welatê merjêlûn o. Onên merjêlûyî zaf ê. Vanê ma înke şêr welat merjêlû, merjêlû goşan ma ra, zînc ma ra şîn zere, mêzg ma helnên.

En holê aye ma merjêlûn ra vaj, ma û şima ma birayê yowbînan ê. Ma hê xo rê gêren yew welat vîn, war ma vejîn. Kîştê şima di welat vergûn esto. Ma ha gêren o welat vergûn ra bigîr. Şima zî destê ma bigîrîn.

Fîlî û merjêlûyî ben yow, vergûn fetelnên. Fîlî sayê merjêlûn di ben wuar yow welatî. Fîl û merjêlû benê cîran yobînî.

Bêyntare ra çend serrî şîn. Fîlî vanê îna nêben. Ma welat merjêlûn dest merjêlûn ra bigîr, bikerîn welat xu. Fîlî merjêlûn ra vanê, “Şima xu ra vanê merjêlû. Lakîn şima merjêlû nîyê! Şima ma ra yê. Şima zaf koyan ra gêray. Aye ra şima bîy qijek. Eslê şima eslê ma ra yo. Eyr ra pey, şima merjêlû nîyê, ma nameyê şima zî kerdo fîl.”

A roje ra pey, nameyê merjêlûyan bîyo fîl. Welatê yîne zî bîyo welatê fîlan.         

Na xebere 2261 rey wanîyaya
No nuşte hema şîrove nêbîyo.