zazaki.net
24 Êlule 2018 Dişeme
Girdîya Karakteran : 12 Punto 14 Punto 16 Punto 18 Punto
10 Êlule 2018 Dişeme 14:15

Fîhrîstê 15 Hûmaranê Şewçila

15 hûmaranê Şewçila de 4 ci ra tercume 110 şiîrî, 6 roportajî û 49 nuşteyê muxtelîfî weşanîyayê. Ancî 19 cinî 81 camêrd, 100 kesan tede nuşto.

Hûmara yewine ya kovara edebî hunerî Şewçila adar 2011 de vejîya. Kovare safî bi kirdkî weşanîyena û tenya ca dana eseranê edebî yê sey hîkaye, şiîr, nuşteyê derheqê edebiyat û hunerî de, ancî roportajê ke edîban û hunermendan dir biyê. Kovare hetê Roşan Lezgînî ra Diyarbekir de amade bena û weşanîyena. Amancê kovara viraştiş û geşkerdişê edebîyatê modern yê kirdkî yo, ancî vejîyayişê meydanî yê edîbanê neweyan û wendoxê ke edebîyat ra hes kenê.

15 hûmaranê Şewçila de 4 ci ra tercume 110 şiîrî, 14 ci ra tercume 125 hîkayeyî, 6 roportajî û 49 nuşteyê muxtelîfî weşanîyayê. Ancî 19 cinî 81 camêrd, 100 kesan tede nuşto. Nînan ra, eserê 24 edîban tercume yê, êyê bînan bîzat kovare rê nuşto. Qismêko muhîm yê enê nuştoxan reya verîne Şewçila de dest bi nuştiş kerdo. Verî ke Şewçila vejîyo cinîyê edîbî ke bi kirdkî nusnenê yew-di kesî bî. Bi vejîyayîşê Şewçila des ra vêşêr edîbê cinî vejîyayî meydan, nînan ra çar cinî kitabê înanê edebî weşanîyayî.

Fîhrîst de nameyê nuştoxan bi hawayêko alfabetik rêz biyê. Bine nameyê nuştoxî/e de bi hawayêko kronolojîk nuşteyî rêz biyê. Nameyê nuşteyî îtalîk nusîyayo, dima mîyanê parantezî () de tewirê nuşteyî, dima zî bi reqem hûmara Şewçila û badê îşaretê “/” rîpelo ke nuşte tede weşanîyayo esto.

Qismê diyin yê fîhrîstî de nuşteyê her hûmare ameyê rêzkerdiş. Eserî zî, sere de nameyê nuştoxî/e nusîyayo, dima sernameyê eserî bi hawayêko îtalîk nusîyayo, kîşta sernameyî de mîyanê parantezî de tewirê eserî nusîyayo, dima bi reqeme hûmara Şewçila ke eser tede weşanîyayo û badê nê îşaretî (/) zî rîpelê ke eser tede yo, nusîyayo.

Roşan Lezgîn

Diyarbekir, 10.09.2016

Seba dosyaya PDF bitikne>>>

Na xebere 203 rey wanîyaya
No nuşte hema şîrove nêbîyo.