EMA SILÊMANÎ

Çime: Êmîşê Keydê Şemika

Mintiqa: Gêl

Em' keyna Silêmanî

Vecyaya serdê banî

Min yew lew ay ra binaynî

Ez bimerdînî ena hila şanî

Em' serê banî rito

May jî binê banî şito

Min ca rê çim şikito

Ay xwu min ra limito

Wa yeno way Xendeqî

Fistanê Emoy' deqdeqî

Keynê began çi rindek î

Nazik î, sey dara simaqî

Em' Em a, keyna mîran

Engura Rezdê Hîran

Werdişê kal û pîran

Min lew di, to rê biba qurban

Bejna Emi barî ya

Sey lûla şiwanî ya

Loxmê serdê ziwanî ya

Derdê kal û pîran rê daru ya

Bexçê deran mişmiş î

Mişmişî cal û tirş î

Enî keynê mîran jî

De xwu rê çendi weş î

Vîyê Emi mircan û mûrî

Sênê Em' di sayê sûrî

Ma êdî bîyê kal û pîrî

Em sey roc û aşm ma ra dûrî

Em Emo herê keynê

Emo sênê to nerm o sey pemê

Zilkif nêweş o êdî mireno

Tu nêba cê rê çin yo melhemo